सोलापूर : निमा सोलापूरच्या पदाधिकाऱ्यांच्या हस्ते एसीएस हॉस्पिटलमध्ये आज गणरायाचे पूजन करण्यात आले. यावेळी निमा केंद्रीयचे माजी राष्ट्रीय अध्यक्ष डॉ. विनायक टेंभुर्णीकर, निमा सोलापूरचे अध्यक्ष डॉ. नागनाथ जीड्डीमनी, ट्रेझरर डॉ. प्रवीण ननवरे, एक्झिक्युटिव्ह मेंबर डॉ. कुंभार तसेच निमा वुमन फोरमच्या अध्यक्षा डॉ. स्मृती मराठे उपस्थित होत्या.
यावेळी एसीएस हॉस्पिटलचे संचालक डॉ. प्रमोद पवार, डॉ. दीपक गायकवाड-पाटील, डॉ. सिद्धांत गांधी आणि डॉ. राहुल कारिमुंगी यांनी निमा पदाधिकाऱ्यांचे स्वागत केले. यावेळी हॉस्पिटलमधील विविध सुविधा तसेच अत्याधुनिक कार्डिओ कॅथलॅबची माहिती देण्यात आली.
एसीएस हॉस्पिटलमध्ये सोलापुरात प्रथमच IVUS Avigo AI(आर्टिफिशिअल इंटेलिजन्स) integrated Boston Scientific या कंपनीचे मशीन उपलब्ध करण्यात आले आहे, त्याचबरोबर कॅल्शियम असलेल्या कठीण रक्तवाहिन्यांसाठी Rota PRO हे अत्याधुनिक रोटब्लेटर मशीन सुद्धा available आहे.नवीन IVUS (Intravascular Ultrasound) Guided Angioplasty मुळे अँजिओप्लास्टीदरम्यान स्टेंटची अचूक निवड व प्लेसमेंट करण्यास मदत होते. त्यामुळे हृदयाच्या रक्तवाहिन्यांमध्ये पुन्हा ब्लॉकेज निर्माण होण्याचा धोका कमी होण्यास मदत होत असल्याची माहिती यावेळी देण्यात आली.
गणेशपूजेला हॉस्पिटलमधील डॉक्टर, सर्व कर्मचारी, स्टाफ तसेच रुग्ण मोठ्या संख्येने उपस्थित होते. गणेशपूजेनिमित्त हॉस्पिटल परिसरात भक्तिमय वातावरण निर्माण झाले होते. उपस्थितांनी गणरायाची आरती करून सर्वांच्या आरोग्य, सुख-समृद्धीसाठी प्रार्थना केली.
