सोलापूर महापालिकेच्या सामान्य प्रशासन विभागातील महत्त्वाचे शिक्के गायब झाले आहेत. रात्री उशिरा कार्यालय उघडून हे शिक्के गडप केले आहेत. महापालिकेचे तत्कालीन उपायुक्त आशिष लोकरे यांच्या सूचनेनुसार सदर बाजार पोलीस ठाण्यात याबाबत फिर्याद देण्यात आली. मात्र लोकरे यांची बदली झाल्यानंतर सामान्य प्रशासन विभागातील सहाय्यक आयुक्त गाडेकर तसेच उपायुक्त सोनाली यादव यांनी या गंभीर प्रकरणाची पुढे काहीच तपासणी केली नाही.
आवक जावक, आस्थापना, सेवा पुस्तक विभाग, विभागीय कार्यालय क्रमांक तसेच इतर कार्यालये असे 5 शिके गायब झाले आहेत. पोलिसांकडून कडून गहाळ दाखला घेऊन दुसरे शिक्के बनविण्यात आले मात्र पहिल्या शिक्याचा कोणी गैरवापर केला, रात्रीच्या वेळी कुणाच्या आदेशावरून कार्यालय उघडले याची पुढे काहीच तपासणी करण्यात आली नाही. महापालिकेतील नालेसफाई, कर्मचारी पदोन्नती यामध्ये अनेक गैरप्रकार झाले आहेत अशातच हे शिक्के गायब झाले आहेत. महापालिका प्रशासनातील अधिकारी किती बेफिकीर आहेत यावरून दिसते.
