केंद्रप्रमुख मर्यादित विभागीय परीक्षा तीन व चार फेब्रुवारी रोजी आयोजित करण्यात आली आहे.5 फेब्रुवारी रोजी राज्यातील 12 जिल्हा परिषद व पंचायत समितीच्या निवडणुका असल्याने हजारो शिक्षकांना 4 फेब्रुवारी रोजी निवडणूक कर्तव्यावर सकाळी हजर व्हावे लागणार आहे. त्यामुळे ‘कृपया विभागीय परीक्षेची तारीख बदलून ती निवडणूक झाल्यानंतरची घेतल्यास केंद्रप्रमुख परीक्षेसाठी फॉर्म भरलेल्या शिक्षकांना परीक्षा देता येईल. याबाबत सहानुभूतीपूर्वक विचार करून परीक्षेची तारीख बदलण्यात यावी.’ अशी मागणी शिक्षक सहकार संघटनेचे राज्य सरचिटणीस निलेश देशमुख यांनी परीक्षा परिषदेचे आयुक्त अनुराधा ओक यांच्याकडे केली आहे.
