घरगुती सोलर सिस्टिम च्या ऑनलाईन अर्ज मंजुरी देण्यासाठी तीन हजार रुपयांची लाच स्वीकारणाऱ्या अमित विलासराव रेडेकर या सहाय्यक अभियंत्यास रंगेहाथ पकडण्यात आले. जुळे सोलापुरातील महावितरणच्या कार्यालयात ही कारवाई करण्यात आली.तक्रारदाराने जुळे सोलापूर येथील एका ग्राहकाच्या घरावर साडेतीन किलो वॅट क्षमतेची सोलर सिस्टिम बसवण्यासाठी महावितरणकडे ऑनलाईन अर्ज केला होता. हा अर्ज मंजुरीची जबाबदारी आरोपी अमित रेडेकर याच्याकडे होती.
अर्जास मंजुरी देण्यासाठी प्रति किलोवॅट 1 हजार रुपये याप्रमाणे तीन किलो वॅट साठी तीन हजार रुपयांची लाच मागितली.तक्रारदाराने लाचलुचपत प्रतिबंधक विभागाकडे तक्रार केली. विभागाने 24 जानेवारी रोजी सापळा लावला. या सापळ्यात हा सहाय्यक अभियंता रंगेहाथ सापडला.
