उपमुख्यमंत्री सुनेत्रा पवार चाकण MIDC प्रश्नाबाबत घेणार बैठक.. जिल्हाधिकारी आणि पोलीस अधिक्षकांना सूचना…
चाकण एमआयडीसीतील रस्ते, वाहतूक आणि इतर पायाभूत सुविधांशी संबंधित अडचणी प्राधान्यानं सोडवण्यात येणार आहेत. या समस्यांवर तातडीनं मार्ग काढण्यासाठी चाकणमधील उद्योजक, एमआयडीसीचे वरिष्ठ अधिकारी, स्थानिक प्रशासन आणि जिल्हा प्रशासनाची लवकरच बैठक घेण्यात येणार आहे. चाकण नागरी कृती समिती आणि औद्योगिक संघटनांच्या प्रतिनिधींशी चर्चा करून उद्योजकांच्या समस्या जाणून घेण्यात आल्या असून, त्या सोडवण्यासाठी आवश्यक ती कार्यवाही करण्याचं आश्वासन देण्यात आलं आहे.
यासंदर्भात एमआयडीसीचे मुख्य कार्यकारी अधिकारी दीपेंद्रसिंह कुशवाह, पुणे जिल्हाधिकारी जितेंद्र डूडी, पीएमआरडीएचे आयुक्त अभिजीत चौधरी, जिल्हा परिषदेचे मुख्य कार्यकारी अधिकारी गजानन पाटील, पिंपरी-चिंचवडचे पोलीस आयुक्त विनय कुमार चौबे यांच्यासह संबंधित अधिकाऱ्यांना आवश्यक त्या सूचना देण्यात आल्या आहेत. चाकणच्या औद्योगिक विकासाला चालना देण्यासाठी पायाभूत सुविधा सक्षम करणं ही सरकारची प्राथमिकता असून, सर्व संबंधितांना विश्वासात घेऊन या समस्यांवर लवकरच ठोस मार्ग काढण्यातयेईल.
