येस न्युज मराठी नेटवर्क: वैराग येथील मंदार भाऊराव मोरे या 21 वर्षाच्या तरुणाचा प्रमाणापेक्षा अधिक द्राक्षांचे सेवन केल्यामुळे मृत्यू झाला आहे . द्राक्ष पिकावरील रासायनिक फवारणीमुळे त्याला विषबाधा झाली असावी असा प्राथमिक अंदाज वैद्यकीय अधिकाऱ्यांनी व्यक्त केला आहे . बार्शी शहर पोलिस ठाण्यात या मृत्यूची नोंद करण्यात आली आहे . वैरागचे मोरे कुटुंबीय द्राक्ष खाण्यासाठी नांदणी येथील नातेवाईकांकडे गुरुवारी गेले होते. सायंकाळी घरी परतल्यानंतर मंदारला उलट्यांचा त्रास जाणवू लागला रात्री त्याला खासगी रुग्णालयात दाखल करण्यात आले मात्र उपचार सुरू असताना त्याचा मृत्यू झाला. या रुग्णालयाने मंदारचा मृतदेह ग्रामीण रुग्णालयात शवविच्छेदनासाठी पाठवला आहेअधीक्षिका डॉक्टर शितल बोपलकर यांनी स्पष्ट केले