सोलापुरात २२ नवीन व्यक्तींना कोरोना

१५ प्रभागांमध्ये एकही नवीन रुग्ण नाही

सोलापूर : शहराचा ४ जून रोजी चा covid-19 चा अहवाल प्राप्त झाला आहे. गुरुवारी रात्री बारा वाजता संपलेल्या चोवीस तासात २२ नवीन व्यक्तींना कोरोनाची बाधा झाली आहे . या कालावधीत ३१ रुग्ण कोरोनामुक्त होऊन रुग्णालयातून घरी परतले आहेत . एक जण कोरोनामुळे मृत्युमुखी पडला आहे. प्रभाग क्रमांक ४० मध्ये ६ आणि प्रभाग क्रमांक 23 मध्ये तीन रुग्ण आढळले आहेत. प्रभाग क्रमांक ५ ते ९, प्रभाग क्रमांक १३ ते १५ प्रभाग क्रमांक १७ ते २२ आणि प्रभाग क्रमांक २६ अशा १५ प्रभागांमध्ये एकही नवीन रुग्ण आढळलेला नाही.