सोलापुरात २८९ नवीन व्यक्तींना कोरोना, नऊ जणांचा मृत्यू

येस न्युज मराठी नेटवर्क : सोलापूर शहरात नवीन २८९ व्यक्तींना कोरोनाची बाधा झाल्याचे शनिवारी महापालिकेच्या अहवालानुसार स्पष्ट झाले. यामध्ये १७९ पुरुष आणि ११० महिलांचा समावेश आहे रॅपिड एंटीजन टेस्टमध्ये १३२ आणि rt-pcr मध्ये १५७ व्यक्तींना कोरोना ची लागण झाल्याचे दिसून आले. शुक्रवारी रात्री बारा वाजेपर्यंत संपलेल्या चोवीस तासांत सोलापूर शहरातील नऊ व्यक्तींचा कोरोनामुळे मृत्यू झाल्याचे अहवालात म्हटले आहे . सोलापूर शहरातील झोपडपट्ट्या ,पेठा, अपार्टमेंट,चाळी अशा १९६ ठिकाणी नवीन कोरोना बाधित आढळले आहेत. २४ तासात मृत्युमुखी पडलेल्या नऊ जणांमध्ये अमर कामगार नगर ,द्वारका नगर, बनशंकरी नगर , पुना नाका येथील आर्यनंदी नगर, मोरारजी पेठेतील गायत्री नगर, जुळे सोलापूर येथील रेणुका नगर, शेटेनगर ,स्वागत नगर आणि विजापूर रोड येथील सिद्धेश्वर नगर येथीqल रहिवासी असल्याचे अहवालात नमूद करण्यात आले आहे.