सोलापूर शहर गुन्हे शाखेकडून आयपीएल सट्टा चालवणाऱ्या आंतरराज्य टोळीचा पर्दाफाश

येस न्युज मराठी नेटवर्क : आयपीएल क्रिकेट सामन्या मध्ये बुकी , चालक आणि एजंटांमार्फत सर्वसामान्य नागरिकांना ज्यादा पैशाचे आमिष दाखवून सामन्यांवर जुगार सट्टा खेळण्यास प्रवृत्त करणाऱ्या आंतरराज्य टोळीचा पर्दाफाश 23 एप्रिल रोजी रात्री नऊ वाजण्याच्या सुमारास सोलापूरच्या गुन्हे शाखेने केला आहे . मोमिन नगर येथे छापा घालून पोलिसांनी सट्टा लावणाऱ्या उस्मान कडून फोनवर सट्टा घेऊन त्याचा हिशेब पाहात व लिहीत असताना बॉक्स, बॉल पेन , मोबाईल , फोन चार्जर असा जवळपास 52 हजार रुपयांचा माल जप्त केला. या इसमांना सट्टेबाजांनी करून जमा होणारी रक्कम व त्यांना मिळालेली रक्कम यामध्ये लाखो रुपयांचा लाभ सट्टा चालवणारे भागीदार यांना होत असल्याचे स्पष्ट झाले आहे. या प्रकरणातील आरोपी जावेद अब्दुल गफार कलवल( वय ४०) यांना ताब्यात घेतले असून त्याच्यासह अठरा जणांविरुद्ध एमआयडीसी पोलीस ठाण्यात महाराष्ट्र जुगार कायदा कलम चार व पाच आणि भारतीय दंड विधान कलम ४२० नुसार गुन्हा नोंदविण्यात आला आहे. या गुन्ह्याची व्याप्ती मोठी असून क्रिकेट चा वापर करून स्वतःचा आर्थिक फायदा करण्यासाठी सर्वसामान्य लोकांची मोठ्याप्रमाणावर फसवणूक करणारी आंतरराज्य टोळी असण्याची देखील शक्यता असल्याचे दिसून येत आहे . याप्रकरणी एमायडिसी ठाण्याचे पोलीस अधिकारी तसेच गुन्हे शाखेचे संजय साळुंखे पुढील तपास करीत आहेत.