जिल्ह्यात १४३४ नवीन कोरोना रुग्ण, २० जणांचा मृत्यू

येस न्युज मराठी नेटवर्क : सोलापूर जिल्ह्यातील कोरोनाचे संकट आणखी गडद होताना दिसत आहे. जिल्ह्यात नव्याने १४३४व्यक्तींना कोरोना झाला असून शहरातील २८९ व्यक्तींना कोरोना झाला आहे. त्यामुळे सोलापूर शहर व जिल्ह्यात नवीन १७२३ रुग्णांची भर 24 तासात पडली आहे .जिल्ह्यामध्ये वीस जणांचा कोरोनामुळे मृत्यू ओढवला आहे .त्यामुळे मंगळवेढ्यात चार ,माळशिरस ,करमाळा आणि दक्षिण सोलापूर तालुक्यात प्रत्येकी तीन, उत्तर सोलापूर, पंढरपूर, बार्शी तालुक्यात प्रत्येकी दोन आणि सांगोला तालुक्यात एकाचा कोरोनामुळे मृत्यू झाला आहे. बार्शी करमाळा मोहोळ आणि सांगोला तालुक्यांमध्ये शंभरावर करोना रुग्ण वाढले असून माळशिरस व माढयात अनुक्रमे २३५ आणि २३४ रुग्ण वाढले आहेत पंढरपूर तालुक्यात ३१० कोरोना रुग्ण वाढले आहेत. जिल्ह्यातील उत्तर सोलापूर दक्षिण सोलापूर अक्कलकोट आणि मंगळवेढा या चार तालुक्यात १०० पेक्षा कमी करणार रुग्ण आढळले आहेत.