कुणी बस शेड बांधून देता का..बस शेड…! SMT

सोलापूर महापालिकेच्या परिवहन खात्याची अवस्था अत्यंत बिकट झाली आहे. त्यातच जेएनएनयूआरएम या योजनेतून घेतलेल्या 200 बसेस भंगारात जाऊन महापालिकेने केस हरल्यामुळे त्याचा 30 ते 40 कोटी रुपये दंड अशोक लेलँडला भरावा लागत आहे. आता केंद्र सरकारच्या पीएम ई बस योजनेतून सोलापूर महापालिकेसाठी 100 इलेक्ट्रिकल बसेस मंजूर झाल्या आहेत. यासाठी बुधवार पेठेतील परिवहनच्या जागेवर सुमारे 30 कोटी रुपये खर्च करून बस चार्जिंग स्टेशन उभारले जात आहे याचे काम अंतिम टप्प्यात आले असून एप्रिल महिन्यापासून महापालिकेला टप्प्याटप्प्याने बस मिळण्यात सुरुवात होणार आहे. मात्र यासाठी बस स्टॉप नाहीत. सध्या परिवहनचे शहरात विविध ठिकाणी 50 बस शेड असून ते नादुरुस्त झाले आहेत. त्यामुळे हे 50 बस क्यू शेड स्वखर्चाने नव्याने उभा करून देत असतील अशा दानशूर लोकांना व संस्थांना महापालिका परिवहन खात्याने मोफत बस शेड बांधून देण्याचे जाहीर आवाहन केले आहे. 18 मार्चपर्यंत याला किती प्रतिसाद मिळतो हे पाहणे गरजेचे आहे.