सोलापूर शहरात आज मोठ्या जल्लोषात डॉक्टर बाबासाहेब आंबेडकर यांच्या जयंतीच्या मिरवणुका निघणार आहेत. यासाठी सुमारे 100 हून अधिक मोठ्या मंडळांनी डॉक्टर बाबासाहेब आंबेडकर यांच्या जीवनावर आधारित आकर्षक असेल मोठ-मोठे देखावे कंटेनर मध्ये उभा केले आहे. त्यामुळे आज छत्रपती शिवाजी महाराज चौक ते डॉक्टर बाबासाहेब आंबेडकर चौकात मिरवणुकीच्या माध्यमातून डॉक्टर बाबासाहेब आंबेडकर अनुभवता येणार आहेत. यासाठी आज सकाळी दहा वाजल्यापासून रात्री बारा वाजेपर्यंत हा प्रमुख मार्ग बंद राहणार आहे. या मिरवणुकीत डीजे वाजवणे तसेच लेझर लाईट चा वापर करणे आणि ड्रोन उडवणे यावर पोलीस आयुक्त एम राजकुमार यांनी बंदी घातली आहे मिरवणुका शांततेत पार पडाव्यात यासाठी एस आर पी, होमगार्ड यासह सुमारे 1800 पोलिसांचा बंदोबस्त राहणार आहे. सुप्रीम कोर्टाने 55 डिसिबल ही आबाधाची मर्यादा घालून दिली आहे त्यामुळे आवाजाची मर्यादा चेक करण्यासाठी दहा पथके नियुक्त करण्यात आली आहेत. सोलापूरच्या मिरवणुका या मोठ्या आणि नेत्रदीपक असतात त्यामुळे आज सोलापूर शहर जिल्ह्यातीलच नव्हे तर आजूबाजूच्या जिल्ह्यातील डॉक्टर बाबासाहेब आंबेडकर यांचे अनुयायी मिरवणुका पाहण्यासाठी सोलापुरात येणार आहेत. त्यामुळे सोलापूरकरांना भीमसागर आणि त्यांचा जल्लोष पाहता येणार आहे.
TOP 25 । सोलापुरात आज भीम जल्लोष..! नेत्रदीपक सोहळे…100 प्लस मंडळे..!
