वळसंगच्या सपोनि अतुल भोसलेंची वेल्फेअरमध्ये बदली तर; अनील सनगल्ले हे नवे प्रभारी

सोलापूर; प्रशासकीय कारणास्तव पोलिस अधीक्षक शिरीष सरदेशपांडे यांनी वळसंग पोलिस ठाण्याचे सहायक पोलिस निरीक्षक अतुल श्रीधर भोसले यांची पोलिस कल्याण शाखा येथे बदली केली आहे. दरम्यान, वळसंग पोलिस ठाण्याच्या प्रभारी अधिकारीपदी स्थानिक गुन्हे शाखेचे अनिल गुरुबसप्पा सनगल्ले यांची नेमणूक करण्यात आली आहे.

सोलापूर ग्रामीण पोलिस दलातील आस्थापना मंडळाची बैठक २१ जानेवारी २०२३ रोजी झाली. या बैठकीत पोलिस अधिकाऱ्यांच्या बदल्या करण्यात आल्या. आस्थापना मंडळाच्या निर्णयानुसार प्रशासकीय कारणास्तव सहायक पोलिस निरीक्षकांच्या बदल्या करण्यात आल्या आहेत. यात काही अधिकाऱ्यांचा समावेश आहे. अतुल भोसले यांनी वळसंग पोलिस ठाण्याचा पदभार घेतल्यानंतर विविध उपक्रमातून एक वेगळी ओळख पोलिस ठाण्याची बनविली होती. कायदा व सुव्यवस्था अबाधित राखण्यासाठी भोसले यांनी नागरिकांच्या सहकार्यातून अनेक उपक्रम राबविले होते.

भोसले यांची लवकरच पदोन्नती होणार आहे. या पदोन्नतीचा आदेश येत्या १५ दिवसांत प्राप्त होणार आहे. त्यामुळे त्यांची पोलिस कल्याण शाखेत बदली करण्यात आली आहे. वळसंगचे नूतन अधिकारी सनगल्ले यांनी नुकताच ठाण्याचा पदभार घेतला आहे.