लोकमंगलच्या अन्नपूर्णा योजनेचा वर्धापन दिन साजरा

सोलापूर – लोकमंगल फाउंडेशन संचालित अन्नपूर्णा योजनेला 10 वर्ष पूर्ण झाल्यानिमित्त विकास नगर येथील फाउंडेशन ऑफिस येथे  अन्नपूर्णा वर्धापन दिन व महिला दिन साजरा करण्यात आला.यावेळी कोमल रोहन देशमुख, आरटीओच्या स.पो.नि. प्रियंका माने, प्राध्यापक नसीमा पठाण, लोकमंगल फाउंडेशनच्या संचालिका उषा हंचाटे, रेखा गोटीपामुल,  स्वाती अलुवलिया, सरपंच श्रुती निकंबे आदींची प्रमुख उपस्थिती होती. कार्यक्रमाचे औचित्य साधून यावेळी अन्नपूर्णा योजनेत काम करणाऱ्या महिलांचा पुष्प गुच्छ देऊन सत्कार करण्यात आला. यावेळी महिलांसाठी  1 मिनिट स्पर्धा घेण्यात आल्या. यावेळी महिलांनी विविध कलागुण दर्शन सादर केले.  विजेत्या महिलांना साडी व मानचिन्ह देऊन सन्मानित करण्यात आले. यावेळी लोकमंगल फाउंडेशनचे कर्मचारी उपस्थित होते. कार्यक्रमाचे सूत्रसंचालन ऐश्वर्या हिबारे यांनी केले.