तिरूमला तिरुपती देवस्थान संचालिका टी.जानकीदेवी यांना पद्मशाली पद्मावती ब्रह्मोत्सवम समितीच्या वतीने निवेदन

सोलापूर – पद्मशाली पद्मावती ब्रम्होत्सवम समिती सोलापूरच्या वतीने दरवर्षी ब्रह्मोत्सवम काळात पुट्टींटी पट्टूचीरा कार्यक्रम साजरा केला जातो. या कार्यक्रमात सोलापूर पद्मशाली बांधव पद्मावती ब्रम्होत्सवम समितीच्या वतीने पद्मावती अम्मावारुना साडी चोळी अर्पण कार्यक्रम आयोजित करण्यात येतो. या ब्रह्मोत्सव करिता सोलापूरचे पद्मशाली बांधव ५१ जोडपे तिरुपतीनजीकच्या तिरूचानुर येथील श्रीपद्मावतीदेवीला माहेरची साडी अर्पण करतात. सदर कार्यक्रमात भाग घेत असलेल्या सर्व पद्मशाली समाज बांधव भाविकांना दर्शन, निवास व मानाचा पूजा अर्चना यासाठी सहकार्य करावे व तसेच दरवर्षी श्रीपद्मावती देवी ब्रह्मोत्सवम काळात प्रमुख पाहुणे म्हणून उपस्थित रहावे यासाठी TTD चे संचालिका जानकीदेवी तामिशेट्टी अशी विनंती या निवेदनात करण्यात आली त्यांनी सर्वप्रकारचे सहकार्य करण्याचे अभिवचन दिले. याप्रसंगी ब्रम्होत्सवम समितीचे सचिव प्रा.व्यंकटेश पडाल, सहसचिव गोपीकृष्ण वड्डेपल्ली, खजिनदार नागेश सरगम, पद्मशाली ज्ञाती संस्थेचे विश्वस्त ईप्पाकायल नरसप्पा,अध्यक्ष सुरेश फलमारी, सचिव संतोष सोमा, शांबय्या वडळाकोंडा आदीसह समाज बांधव उपस्थित होते.