सोलापूर : महानगरपालिकेच्या मुख्य प्रवेशद्वारात समोर दोन जून रोजी सकाळी दहा ते सव्वा अकराच्या दरम्यान जमावबंदी आदेशाचे उल्लंघन केल्याप्रकरणी माजी आमदार दिलीप माने, नगरसेवक आनंद चंदनशिवे, अमोल शिंदे, चेतन नरोटे, केतन शहा आदी २७ जणांविरुद्ध गुन्हा दाखल करण्यात आला आहे. सदर बझार पोलिस ठाण्यात या सर्वांविरुद्ध आपत्ती व्यवस्थापन अधिनियम अधिनियम २००५ कलम ५१(ब) नुसार गुन्हा दाखल झाला आहे. याप्रकरणी हवालदार नदाफ अधिक तपास करीत आहेत.
