सोलापूर महानगरपालिकेची अर्थसंकल्पीय सभा 30 मार्च रोजी पार पडली. चौदाशे कोटी रुपयांचे अंदाजपत्रक या सभेत एकमताने मंजूर करण्यात आले. याला जवळपास दीड महिन्याचा कालावधी लोटत आला तरीही नगरसचिव कार्यालयाकडून हे मंजूर झालेले बजेट आयुक्तांकडे पाठविण्यात आले नाही. सभागृहात एक बजेट वाचले जाते आणि प्रशासनाकडे पाठवताना त्यामध्ये खूप मोठे बदल करून दुसरेच आकडे पाठवले जातात ही दरवर्षाची प्रथा आहे कदाचित यावर्षी देखील यामध्ये काही बदल करण्यासाठीच एवढा विलंब केला जात आहे अशी शंका विरोधकांकडून उपस्थित केली जात आहे. नगरसेवकांकडून विविध कामांचे प्रस्ताव मागवण्यात आले आहे मात्र प्रशासनाकडे बजेटची कॉपीच नसल्यामुळे एक रुपयाचा निधी देखील प्रशासनाने नगरसेवकांच्या कामासाठी मंजूर केला नाही. बजेटचा ठराव पाठवायला एवढा उशीर का याचे उत्तर सत्ताधारी पक्षाकडून देणे अपेक्षित आहे.
TOP 25- महापालिकेचे बजेट होऊन दीड महिना झाले…अद्याप ठरावाची कॉपी आयुक्तांकडे नाही
