TOP 25 । रोहिणी तडवळकर विरुद्ध नगरसेविकांच्या पतींचा संताप !

सोलापूर महापालिकेची अर्थसंकल्पीय विशेष सभा 30 मार्च रोजी होणार आहे. यासाठी कालपासून दररोज विभागनिहाय आढावा घेण्यासाठी भाजप नगरसेवकांच्या महापौर -उपमहापौर तसेच खाते प्रमुख आणि अधिकाऱ्यांच्या उपस्थितीत मॅरेथॉन बैठका सुरू झाल्या आहेत. भाजप शहराध्यक्ष रोहिणी तडवळकर याच बैठका तसेच मनपा सभेचा कंट्रोल महापौरांपेक्षा आपल्याच हातात घेऊ लागल्यामुळे अनेक नगरसेवकांनी त्यांच्याविरुद्ध तक्रारी सुरू केल्या आहेत. एवढेच नव्हे तर महिला नगरसेविकांच्या पतींनी बैठकीमध्ये येऊ नये यावरून कालच्या बैठकीत चांगलाच राडा झाला. स्वीकृत नगरसेविका आणि भाजप शहराध्यक्ष अशी दोन्ही पदे रोहिणी तडवळकर यांच्याकडे असल्यामुळे त्यांची दादागिरी वाढली आहे असे अनेक भाजप नगरसेवकांचे मत आहे. तुम्ही राम तडवळकरांना अगोदर घेऊन येत नव्हता का इथपर्यंत नगरसेवकांनी आणि त्यांच्या पतींनी रोहिणी तडवळकर यांना खडे बोल सुनावले. एवढेच नव्हे तर अनेकांनी महापौर विनायक कोंड्याल यांना देखील ही बाब सांगितली. रोहिणी तडवळकर अशाच पद्धतीने नगरसेविकांना आणि त्यांच्या पतींना बोलू लागले तर आम्ही गप्प बसणार नाही, रोहिणी तडवळकर यांच्या विरोधात मोहीम सुरू करू अशी धमकी देखील अनेकांनी दिली आहे.