सोलापूर : सोलापूर महानगरपालिकेच्या वतीने मुद्रा नागरी आरोग्य केंद्र येथे क्षयरोग अधिकृत सूक्ष्मदर्शक तपासणी केंद्र व अत्याधुनिक Tru-Naat मशीनचे उद्घाटन सोलापूर महानगरपालिकेचे महापौर विनायक कोंडयाल यांच्या हस्ते संपन्न झाले. या कार्यक्रमास माजी नगरसेवक राजकुमार हांचटे, दत्तात्रय कडगंची, नगरसेविका मीनाक्षी कडगंची, यांची प्रमुख उपस्थिती होती. तसेच आरोग्याधिकारी डॉ. राखी माने व शहर क्षयरोग अधिकारी डॉ. अरुंधती हराळकर यांची विशेष उपस्थिती होती.
कार्यक्रमाची सुरुवात महापौरांच्या हस्ते धन्वंतरी देवाच्या प्रतिमेचे पूजन व दीपप्रज्वलन करून करण्यात आली. त्यानंतर महापौरांच्या हस्ते रिबन कापून Tru-Naat मशीन व क्षयरोग तपासणी केंद्राचे उद्घाटन करण्यात आले.यानंतर मान्यवरांचा पुष्पगुच्छ व रोप देऊन सत्कार करण्यात आला. महापौर विनायक कोंडयाल यांचा सत्कार डॉ. प्रसन्नजीत वाघचवरे (वैद्यकीय अधिकारी) यांच्या हस्ते करण्यात आला. नगरसेवक दत्तात्रय कडगंची व मीनाक्षी कडगंची यांचा सत्कार शैलेश सानप (PHN) यांनी केला. तसेच राजकुमार हांचटे यांचा सत्कार विनायक दळवी (TU-3 चे STS) यांनी केला. आरोग्याधिकारी डॉ. राखी माने व शहर क्षयरोग अधिकारी डॉ. अरुंधती हराळकर यांचा सत्कार प्रियांका पवार (PHN) यांच्या हस्ते करण्यात आला.कार्यक्रमात मुद्रा नागरी आरोग्य केंद्राच्या २०२५-२६ मधील उत्कृष्ट कामगिरी करणाऱ्या आशा सेविकांचा गौरव करण्यात आला. यामध्ये अंबिका देढे, दीपिका रोडे, रजनी कोल्हापूरे व विजया चौगुले यांचा मान्यवरांच्या हस्ते सत्कार करण्यात आला.
यावेळी महापौर विनायक कोंडयाल यांच्या हस्ते टीबी रुग्णांना आभा कार्ड वाटप करण्यात आले. तसेच प्रमुख पाहुण्यांच्या हस्ते टीबी रुग्णांना फूड बास्केट देऊन त्यांना आधार देण्याचा उपक्रम राबविण्यात आला.या कार्यक्रमास मेडिकल ऑफिसर डॉ. प्रसन्नजीत वाघचवरे, टीबी सुपरवायझर विनायक दळवी, प्रमोद मुळीक, टीबी स्टाफ ओंकार गवळी तसेच मुद्रा नागरी आरोग्य केंद्रातील सर्व कर्मचारी मोठ्या संख्येने उपस्थित होते.
