सोलापूर :बांधकाम कामगारांच्या शैक्षणिक योजनांमध्ये बनावट कागदपत्रांच्या आधारे तब्बल ३ कोटी ६३ लाख २० हजार रुपयांची फसवणूक झाल्याचा प्रकार उघडकीस आला आहे. या प्रकरणी सोलापूरातील फौजदार चावडी पोलिस ठाण्यात २० जणांविरोधात गुन्हा दाखल करण्यात आला आहे.
, डिसेंबर २०२४ ते ऑगस्ट २०२५ या कालावधीत सहा. कामगार आयुक्त कार्यालय, दमाणी नगर, सोलापूर येथे हा प्रकार घडला. बांधकाम कामगारांच्या मुलांच्या शैक्षणिक योजनेंतर्गत बनावट बोनाफाईड व इतर कागदपत्रे तयार करून अर्ज मंजूर करण्यात आले, असा आरोप आहे.
तक्रारदार मंगेश रामराव झोळे (वय ४०) यांनी दिलेल्या फिर्यादीवरून हा गुन्हा दाखल करण्यात आला आहे. या प्रकरणात काही दुकान निरीक्षक, सुविधा केंद्रातील कर्मचारी तसेच कंत्राटी कर्मचारी यांचा समावेश असल्याचे पोलिसांनी सांगितले.
चौकशी अहवालात नमूद केल्याप्रमाणे, बनावट कागदपत्रे सादर करून शासनाची आर्थिक फसवणूक केल्याचे समोर आले आहे. त्यानुसार भारतीय न्याय संहितेच्या विविध कलमान्वये गुन्हा दाखल करण्यात आला असून या प्रकरणाचा पुढील तपास पोलिसांकडून सुरू आहे.आरोपींची सर्व नावे पुढीलप्रमाणे आहेत —
ए. आर. पवार
एस. डी. रजपूत
उ. च. सूर्यवंशी
समीर बाबूलाल पटेल
आकाश बाबू कोळी
भारत तुकाराम करंडे
सुरज नागनाथ मगर
शिवानंद बंडू सुरवसे
रविकांत चंद्रकांत पाटील
आशितोष चंद्रकांत कटोरे
चंदन विनायक दिधे
अर्चना राजेश्वर पाटील
शीतल सतीषकुमार परदेशी
सौरभ सुभाष हळके
बाळासाहेब विलास शिंदे
अन्नपूर्णा पंडकी
तब्बसुम यादगीरी
अर्जुन सांग
रविराज मुसळे
अंबादास बुगडे
