मोतीबिंदू तपासणी व मोफत शस्त्रक्रिया शिबिराचे उद्घाटन शिवसेना नेते ज्ञानेश्वर सपाटे यांच्या हस्ते करण्यात आले.
हरिपाठ परिवाराच्या माध्यमातून सोलापूर शहरातील विविध भागांमध्ये महिला भजनी मंडळाला मोफत वारकरी पाऊल शिकवण्याचे प्रशिक्षण चालू करून तिसऱ्या वर्षामध्ये पदार्पण करत असल्याने बळीराम जांभळे महाराज यांच्या मार्गदर्शनाखाली हरिपाठ परिवारातील स्वागत नगर, तुकाराम महाराज मंदिर अशोक चौक, संत गोरोबाकाका मंदिर लष्कर, महादेव मंदिर लष्कर, टाकळीकर मंगल कार्यालय हनुमान मंदिर, बाळे डुमणे नगर, माऊली मंदिर अवंती नगर, आणि निराळे वस्ती मुख्य शाखा या दहा शाखांच्या 200 महिलांचा परिचय मेळावा यावेळी संपन्न करण्यात आला. या मेळाव्यामध्ये तिळगुळ वाटप व हळदीकुंकवाचा कार्यक्रम प्रामुख्याने घेण्यात आला. या मेळाव्यास मार्गदर्शन करण्यासाठी सुधाकर इंगळे महाराज, सीए राजगोपाल मनियार उपस्थित होते.
वारकरी संप्रदायामध्ये सर्वात सोपी साधना जर कोणती असेल तर ती हरिपाठ म्हणणे वारकरी संप्रदायामध्ये हरीपाठाला अनन्यसाधारण महत्त्व असल्याने प्रत्येक वारकऱ्यांनी हरिपाठ म्हटलाच पाहिजे त्याचं महत्त्व हरिभक्तिपरायण सुधाकर इंगळे महाराज यांनी पटवून दिले. राजगोपाल मनियार सरांनी अयोध्या व श्रीराम मंदिराचे महात्म्य सर्व भाविकांना पटवून सांगितले.संत सावता माळी वारकरी मृदंग वादन प्रशिक्षण संस्थेच्या चार विद्यार्थ्यांनी अखिल भारतीय गांधर्व संगीत विद्यालयातील मृदंग वादन पहिल्या परीक्षेमध्ये घवघवीत यश मिळवल्याबद्दल काव्या गाढवे (विशेष प्राविण्य), अंकिता व्यवहारे (विशेष प्राविण्य), अथर्व कोकरे (विशेष प्राविण्य), समर्थ कांबळे (प्रथम क्रमांक) मृदंग वादन द्वितीय परीक्षा मध्ये राजवीर जांभळे ( प्रथम क्रमांक,) अंजली लोखंडे (प्रथम क्रमांक), तन्वी गोसावी (प्रथम क्रमांक), स्वराज केसरे (प्रथम क्रमांक) मिळवल्याबद्दल प्रमुख पाहुण्यांच्या हस्ते त्यांचा सन्मान करण्यात आला.
त्याचबरोबर 30 लोकांचे मोतीबिंदू तपासणी मा.साहील आप्पा रणपिसे व मा.सिंधुताई सुरवसे यांनी करून मोफत ऑपरेशनचे सहकार्य शंकर शेठ साबळे नेत्र रुग्णालय बाळे यांच्या वतीने करण्यात येणार आहे. हे शिबिर श्री संत सावता महाराज वारकरी मृदंग वादन प्रशिक्षण संस्था व शंकरशेठ साबळे नेत्र रुग्णालय यांच्या संयुक्त विद्यमाने घेण्यात आले. विजया हुंबे, ललिता टाकळीकर, श्रद्धा जाधव, अश्विनी जांभळे, या महिला भाविकांनी आपली मनोगते व्यक्त केली. या हरिपाठ परिवाराच्या माध्यमातून शहरातील विविध भागांमध्ये ज्या महिला भजनी मंडळाला हरिपाठ पाऊल शिकायचं असल्यास त्यांना मोफत शिकवण्याचे प्रतिज्ञा बळीराम जांभळे यांनी कार्यक्रमाची प्रस्तावना करताना केली.
हा कार्यक्रम यशस्वी करण्यासाठी अनिकेत जांभळे, अविराज जांभळे, अंजली लोखंडे, तुकाराम लोखंडे, यांनी परिश्रम घेतले.
