भाजपने सोलापूरच्या महापौर पदासाठी आमदार देवेंद्र कोठे यांचे भाऊजी विनायक कोंड्याल यांना तर उपमहापौर पदासाठी आमदार सुभाष देशमुख गटाचे ज्ञानेश्वरी देवकर यांना उमेदवारी दिली आहे. शहराध्यक्ष रोहिणी तडवळकर आणि नूतन गटनेते नरेंद्र काळे यांच्या उपस्थितीत कोंड्याल आणि देवकर यांनी आपले अनुक्रमे महापौर आणि उपमहापौर पदाचे अर्ज नगरसचिव कार्यालयात आज दाखल केले. शिंदे सेनेकडून महापौर आणि उपमहापौर पदासाठी प्रियदर्शन साठे यांनी उमेदवारी अर्ज दाखल केला आहे तर एम आय कडून तौफिक हत्तुरे यांनी महापौर पदासाठी तर आसिफ शेख यांनी उपमहापौर पदासाठी अर्ज दाखल केला आहे. 6 फेब्रुवारी रोजी सकाळी 11 वाजता होणाऱ्या पहिल्या विशेष सर्वसाधारण सभेत महापौर आणि उपमहापौर पदाची निवडणूक होणार आहे. भाजपचे महापालिकेत 87 नगरसेवक आहेत. शिवाय हात वर करून महापौर आणि उपमहापौरांची सभागृहात निवड होणार आहे त्यामुळे भाजपच्याच उमेदवारांची बहुमताने महापौर आणि उपमहापौरांची निवड होणार हे निश्चित आहे. आता फक्त शिक्कामोर्तब करणे एवढेच होणे बाकी राहिली आहे.
