नगरपरिषद आणि नगरपंचायत यांच्या निकालांचा दिवस उद्या रविवारी उजाडणार आहे.ऐन थंडीत काही उमेदवारांना अनपेक्षित निकाल लागल्याने दरदरून घाम फुटणार आहे, तर काही उमेदवारांमध्ये या निकालातून काटे की टक्कर अनुभवायला मिळणार असून हुडहुडीत निकाल ऐकण्याची तयारी ठेवावी लागणार आहे. विजयाची पक्की गॅरंटी असलेले काही उमेदवार तर अगदी बिनधास्त आहेत. जनतेने दिलेला कौल उद्या दुपारपर्यंत स्पष्ट होणार असून सर्व राजकीय पक्ष आपलाच विजय होईल असा दावा आज करत आहेत.
