महाव्यवस्थापक, मध्य रेल्वे यांनी आंतर-विभागीय सांस्कृतिक स्पर्धा–२०२५ च्या विजेत्यांना पुरस्कार वितरण केले. मुंबई विभागाच्या सांस्कृतिक पथकाने सर्वोत्कृष्ट एकूण कामगिरीसाठी “सरताज” पुरस्कार पटकावला.
विवेक कुमार गुप्ता, महाव्यवस्थापक, मध्य रेल्वे तसेच सेंट्रल रेल्वे कल्चरल अकादमी चे मार्गदर्शक, यांनी दिनांक १९.१२.२०२५ रोजी छत्रपती शिवाजी महाराज टर्मिनस येथील मध्य रेल्वेच्या सभागृहात आयोजित आंतर-विभागीय सांस्कृतिक स्पर्धा–२०२५ मधील विजेत्यांना पुरस्कार वितरित केले.सेंट्रल रेल्वे कल्चरल अकादमी यांच्या वतीने दिनांक १७.१२.२०२५ ते १९.१२.२०२५ या कालावधीत आयोजित करण्यात आलेल्या या तीन दिवसीय सांस्कृतिक महोत्सवात उत्स्फूर्त सहभाग पाहायला मिळाला तसेच, मध्य रेल्वेच्या कर्मचाऱ्यांचा व त्यांच्या पाल्यांचा समृद्ध कलागुण सादर झाला. स्पर्धेच्या समारोपाच्या दिवशी म्हणजेच १९.१२.२०२५ रोजी पारितोषिकांचे वितरण करण्यात आले.
मुंबई विभागाच्या सांस्कृतिक पथकाने विविध प्रकारांमध्ये ४९ गुणांसह ९ पारितोषिके मिळवत सर्वोत्कृष्ट एकूण कामगिरीसाठी “सरताज” पुरस्कार पटकावला. मुख्यालयाच्या सांस्कृतिक पथकाने देखील ९ पारितोषिके मिळवत त्यांचा निकटचा संघर्ष केला.परळ वर्कशॉप आणि माटुंगा वर्कशॉपच्या सांस्कृतिक पथकांनी प्रत्येकी ३ पारितोषिके जिंकली.मुंबई विभागाच्या कलाकारांनी आपली कला सादर करत शास्त्रीय एकल नृत्य तसेच समूह नृत्य या दोन्ही प्रकारांमध्ये प्रथम पारितोषिक पटकावले.याशिवाय मुंबई विभागातील विविध कलाकारांनी संगीत, नृत्य, नाट्य तसेच रंगमंचामागील योगदानासाठीही पारितोषिके मिळवली.
मुख्यालयाच्या संघाने “विसर्जन” या सर्वोत्कृष्ट नाटकासाठी प्रथम पारितोषिक पटकावले. त्यानंतर मुंबई विभागाने मराठी नाटक “नाना नव्याणव बाद” तसेच हिंदी नाटक “आधे अधुरे” यांसाठी दोन द्वितीय पारितोषिके मिळवली.मुख्यालयाच्या पथकातील कलाकारांनी संगीत विभागात वर्चस्व राखत शास्त्रीय संगीत गायन, शास्त्रीय संगीत वादन तसेच सुगम संगीत वादन या प्रकारांमध्ये प्रथम पारितोषिके पटकावली. परळ वर्कशॉपच्या कलाकाराने सुगम संगीत गायन प्रकारात प्रथम पारितोषिक मिळवले.आयडीसीसी-२०२५ चे विजेते विविध ठिकाणी होणाऱ्या आंतर-रेल्वे सांस्कृतिक स्पर्धांमध्ये मध्य रेल्वेचे प्रतिनिधित्व करतील.
मध्य रेल्वे आंतर-रेल्वे सांस्कृतिक स्पर्धा-नाट्य-२०२५ चे आयोजन करेल.
आंतर-विभागीय सांस्कृतिक स्पर्धा–२०२५ चे उद्घाटन दिनांक १७.१२.२०२५ रोजी प्रतीक गोस्वामी, अतिरिक्त महाव्यवस्थापक मध्य रेल्वे यांच्या हस्ते करण्यात आले. उद्घाटन समारंभास अरविंद मालखेडे अध्यक्ष सीआरसीए व प्रधान मुख्य वाणिज्य व्यवस्थापक तसेच अनुराग मेश्राम उपाध्यक्ष सीआरसीए व मुख्य कार्मिक अधिकारी यांच्या उपस्थितीने कार्यक्रमाची शोभा वाढली.
पहिल्या दिवशी एकांकिका नाट्यस्पर्धांचे आयोजन करण्यात आले होते, ज्यामध्ये विविध विभाग व वर्कशॉपमधील पथकांनी एकूण ११ नाटके सादर केली.
दुसऱ्या दिवशी उत्साहपूर्ण संगीत स्पर्धा पार पडल्या, ज्यामध्ये सहभागी कलाकारांनी विविध प्रकारांमध्ये आपले संगीत कौशल्य प्रभावीपणे सादर केले.
तिसऱ्या व अंतिम दिवशी शास्त्रीय एकल नृत्य तसेच लोकनृत्य समूह सादरीकरणे सादर करण्यात आली, ज्यामुळे कार्यक्रमात रंगत व सांस्कृतिक विविधता आली.
मध्य रेल्वेच्या विविध विभाग व वर्कशॉपमधील सुमारे २५० स्पर्धकांनी या स्पर्धेत सहभाग घेतला, ज्यामुळे हा कार्यक्रम भव्य यशस्वी ठरला. या उपक्रमातून सीआरसीएच्या सांस्कृतिक उपक्रमांना प्रोत्साहन देण्याची व रेल्वे कर्मचाऱ्यांमधील कलागुणांना वाव देण्याची कटिबद्धता स्पष्टपणे दिसून आली.
प्रधान विभागप्रमुख, हिरेश मीणा, विभागीय रेल्वे व्यवस्थापक, मुंबई विभाग; मुख्यालय व विभागातील अधिकारी व कर्मचारी, तसेच इतर विभागांचे संघ व्यवस्थापक त्यांच्या संबंधित संघ सदस्य व कलाकारांसह या कार्यक्रमास उपस्थित होते.
