सोलापूर : राज्याच्या गृह विभागाने पोलीस विभागातील ५२ वरिष्ठ अधिकाऱ्यांच्या बदल्यांचे आदेश काढले आहे. यात सोलापूर शहर आयुक्तालयाचे पोलीस उपायुक्त विजय कबाडे, अजित बोराडे, डॉ. दीपाली काळे या तिघांचा यात समावेश आहे. सोलापूरचे पोलीस उपायुक्त म्हणून अश्विनी पाटील व गौहर हसेन यांची नियुक्ती करण्यात आली.
विजय कबाडे यांची नागपूर पोलीस उपायुक्तपदी, अजित बोराडे यांची पोलीस उपायुक्त बृहन्मुंबई या पदावर तर डॉ. दीपाली काळे यांची राज्य राखीव पोलीस बल गट क्रमांक १० च्या समादेशकपदी बदली करण्यात आली. विजय कबाडे यांनी सोलापुरातील अनेक नामचीन गुंडांना तडीपार व अनेकांवर मोका अंतर्गत कारवाई केल्या. डॉ. दीपाली काळे यांनी अनेक गुन्ह्यांचा तपास उघडकीस आणला. अजित बोराडे यांनी प्रशासनाला शिस्त लावण्याचा प्रयत्न केला.
