बागांसह शहराची स्वच्छतेकडे जोरदार वाटचाल :
आमदार देवेंद्र कोठे, मनपा आयुक्त डॉ. सचिन ओंबासे यांनी खंदक बाग, वॉकिंग ट्रॅकसह स्मार्ट सिटीतील कामांची केली पाहणी
सोलापूर – सोलापूर महानगरपालिकेने आयोजित केलेल्या महास्वच्छता अभियानात मंगळवारी खंदक बाग आणि हुतात्मा बागेत स्वच्छता करण्यात आली. या महास्वच्छता अभियानात आमदार देवेंद्र कोठे, सोलापूर महानगरपालिकेचे आयुक्त डॉ. सचिन ओंबासे, अतिरिक्त आयुक्त रवी पवार, अतिरिक्त आयुक्त संदीप कारंजे यांच्यासह सोलापूर शहरातील विविध सामाजिक संस्था मंडळाच्या पदाधिकारी आणि कार्यकर्त्यांनी तसेच नागरिकांनी लक्षणीय सहभाग नोंदवला. यावेळी खंदक बाग, श्री सिद्धरामेश्वर तलाव परिसर, वॉकिंग ट्रॅकसह स्मार्ट सिटीतील कामांची आमदार देवेंद्र कोठे, सोलापूर महानगरपालिकेचे आयुक्त डॉ. सचिन ओंबासे यांनी पाहणी केली. या महास्वच्छता अभियानामुळे शहरातील बागांना ‘ अच्छे दिन’ आल्याची प्रतिक्रिया सोलापूरकरांनी नोंदवली.
सोलापूर महानगरपालिकेच्या वीर सावरकर जलतरण तलावाशेजारील खंदक बागेत तसेच जिल्हा मध्यवर्ती बँकेसमोरील हुतात्मा बागेत मंगळवारी सकाळी महास्वच्छता अभियानास प्रारंभ झाला. आमदार देवेंद्र कोठे, सोलापूर महानगरपालिकेचे आयुक्त डॉ. सचिन ओंबासे, अतिरिक्त आयुक्त रवी पवार, अतिरिक्त आयुक्त संदीप कारंजे यांच्यासह भारतीय जनता पार्टीचे पदाधिकारी, कार्यकर्ते तसेच सोलापूरकरांनी महानगरपालिकेच्या कर्मचाऱ्यांच्या खांद्याला खांदा लावून बागेतील स्वच्छता केली.
आमदार देवेंद्र कोठे म्हणाले, संपूर्ण शहर स्वच्छ राखण्याचे सोलापूर महानगरपालिकेचे धोरण आहे. या अंतर्गत महास्वच्छता अभियान राबविण्यात आले. या अभियानाच्या पहिल्या टप्प्यात खंदकबाग तसेच हुतात्मा बागेची स्वच्छता करण्यात आली. याप्रसंगी स्वच्छतेबरोबरच ग्रामदैवत श्री सिद्धरामेश्वर मंदिर शेजारील तलाव परिसर, गणपती घाट, वॉकिंग ट्रॅक, लेझर शो आदी ठिकाणी स्मार्ट सिटीच्या माध्यमातून झालेल्या कामांची पाहणी करण्यात आली. पंतप्रधान नरेंद्र मोदी आणि मुख्यमंत्री देवेंद्र फडणवीस यांच्यामुळे सोलापूरात स्मार्ट सिटीच्या माध्यमातून अनेक कामे करण्यात आली. मात्र ही कामे महापालिकेकडे वर्ग झाल्यानंतर अनेक ठिकाणी देखभाल दुरुस्तीचा अभाव असल्याचे निदर्शनास आले. त्यामुळे सोलापूर शहरातील विशेषतः स्मार्ट सिटीतून झालेले सर्व प्रकल्प सुस्थितीत ठेवावेत, अशी मागणी याप्रसंगी महापालिका आयुक्त डॉ. सचिन ओंबासे यांच्याकडे करण्यात आली. आगामी काळात सोलापूर शहरातील सामाजिक संस्था, मंडळे नागरिकांनी एकत्र येऊन ठिकठिकाणी स्वच्छता मोहिमा राबवाव्यात. सोलापूर शहर स्वच्छ ठेवण्याकरिता पुढाकार घेण्याची आवश्यकता आहे त्याकरिता सोलापूर महानगरपालिका तसेच भारतीय जनता पार्टी लागेल ते सहकार्य करेल.
सोलापूर महानगरपालिकेचे आयुक्त डॉ. सचिन ओंबासे म्हणाले, सोलापूर महानगरपालिकेतर्फे चौथा टप्प्यातील स्वच्छता अभियान सुरू करण्यात आले आहे. सोलापूरकरांनी आपला कचरा त्यांच्या गाडीतच टाकावा. घंटागाडी न आल्यास सोलापूर महानगरपालिकेकडे तक्रार करावी. या तक्रारीची निश्चितपणे दखल घेतली जाईल, असेही सोलापूर महानगरपालिकेचे आयुक्त डॉ. सचिन ओंबासे यांनी सांगितले.
याप्रसंगी भारतीय जनता पार्टीच्या शहराध्यक्षा रोहिणी तडवळकर, माजी स्थायी समिती सभापती विनायक कोंड्याल, माजी नगरसेवक गुरुशांत धुत्तरगावकर, मंडल अध्यक्ष नागेश सरगम, नागेश खरात, अंबादास करगुळे, दत्तात्रय पोसा, सुनील पाताळे, शिवा कामाठी, बजरंग कुलकर्णी, संतोष कदम, दत्ता पाटील, यशवंत पाथरूट, गुरु कवाडे, सागर अतनुरे, राजशेखर येमुल, प्रशांत पल्ली, प्रसाद पल्ली, अंबादास सकीनाल, यशवंत सलगर, राम गड्डम, विजय धोत्रे, श्रवण साबळे, अक्षय वाकसे, सतीश तमशेट्टी, संस्कार नरोटे, राणा यादव, अशोक कोडम, चंद्रकांत यमगर, विजय घुले, विश्वजीत देशमुख, सागर मुगळे, ओंकार होमकर, पिनु करपे, मनोज देवकर, रमण दुडम, आकाश पाटील, प्रकाश गाजुल, देविदास लिंबोळे आदी उपस्थित होते.
