सोलापूर: मागास समाज सेवा मंडळ नेहरूनगर संचलित न्यू हायस्कूल सलगरवाडी येथे दहावी विद्यार्थ्यांचा निरोप समारंभ संपन्न झाला. या समारंभास प्रमुख पाहुणे म्हणून माजी शिक्षक ताजुद्दीन मुजावर , मुल्ला ,व ज्ञानदीप संगणक विभागाचे भोसले , प्रशालेच्या पर्यवेक्षिका रोहिणी गायकवाड , स्वयंशासन दिनाच्या मुख्याध्यापिका पौर्णिमा चव्हाण पर्यवेक्षक जीवन बाबर व अध्यक्षस्थानी प्रशालेचे मुख्याध्यापक कार्तिक चव्हाण सर उपस्थित होते. कार्यक्रमाच्या प्रारंभी सरस्वतीचे पूजन करून उपस्थित मान्यवरांचा सत्कार करण्यात आला. दहावीच्या विद्यार्थ्यांना इयत्ता पाचवी पासून ते दहावीपर्यंत शिकवणाऱ्या सर्व शिक्षकांचा भेटवस्तू व गुलाब पुष्प देऊन सर्वांचा यथोचित सत्कार करण्यात आला त्यानंतर विद्यार्थ्यांची मनोगते व्यक्त झाली.
स्वयंशासन दिनाचे मुख्याध्यापक पौर्णिमा चव्हाण व पर्यवेक्षक जीवन बाबर यांनी शालेय जीवनातील गुरूंचे महत्त्व व व शाळेमुळे लाभलेले संस्कार याबाबत मनोगत व्यक्त केले .तसेच शालेय जीवनातील सर्व शिक्षक कायम स्मरणात राहतील व आम्ही नेहमी मार्गदर्शनासाठी शाळेत येत राहू असे मनोगत व्यक्त केले. त्यानंतर राहुल पोटफोडे, महेश तांबुळकर, संगमेश्वर रंडाळे,.सुजाता बिराजदार, पर्यवेक्षिका रोहिणी गायकवाड यांनी विद्यार्थ्यांना मार्गदर्शनपर मनोगत व्यक्त केले. कार्यक्रमाचे प्रमुख पाहुणे ताजुद्दीन मुजावर यांनी गोष्टींच्या माध्यमातून आपलं भविष्य उज्वल करावं असे आवाहन केले. कार्यक्रमाचे अध्यक्ष मुख्याध्यापक कार्तिक चव्हाण यांनी येणाऱ्या एसएससी बोर्ड परीक्षेसाठी व पुढील महाविद्यालय शिक्षणासाठी शुभेच्छा देऊन प्रत्येक विद्यार्थ्यांनी स्वतःच्या पायावर उभा राहून एक आदर्श नागरिक बनावे, असे आवाहन केले.
सदर कार्यक्रमाचे सूत्रसंचालन स्नेहल शिंदे व आभार प्रदर्शन करूणा कोरे यांनी केले. कार्यक्रम यशस्वी करण्यासाठी समृद्धी गोरड, वैशाली वराडे, युवराज पारदे, मल्लाप्पा जाधव, मुजिबररहमान आतार ,जयश्री कोरे ,शांता राठोड, उत्तम भोसले दिलीप राठोड, संगण्णा वाघमारे यांनी विशेष परिश्रम घेतले.
