सोलापूर : राष्ट्रवादी काँग्रेसचे अध्यक्ष शरद पवार साहेब व प्रतिभाताई पवार यांच्या वाढदिवसानिमित्त इतिहासात प्रथमच सोलापूर जिल्हा राष्ट्रवादी काँग्रेसचे जिल्हा उपाध्यक्ष महेश माने यांच्या वतीने शरद प्रतिभा महिला प्रीमियर लीग म्हणजेच राष्ट्रीय स्तरावरील महिलांच्या क्रिकेट सामन्यांचे आयोजन करण्यात आले. सदरच्या स्पर्धेचे उद्घाटन दिनांक ६ डिसेंबर रोजी राष्ट्रवादी काँग्रेसचे जिल्हा अध्यक्ष बळीराम काका साठे यांच्या अध्यक्षतेखाली, जेष्ठ नगरसेवक माजी महापौर महेश कोठे, माजी उपमहापौर दिलीप कोल्हे, मोहोळ पंचायत समितीचे सदस्य अजिंक्यरणा पाटील यांच्या प्रमुख उपस्थितीत पार पडले.
दिनांक ११ डिसेंबर२०२१ रोजी सदरच्या स्पर्धेचा अंतिम सामना असून त्याच दिवशी बक्षीस वितरण समारंभ होणार आहे. बक्षीस वितरण समारंभास पालकमंत्री दत्ता मामा भरणे, जिल्हाध्यक्ष बळीराम काका साठे, मोहोळचे माजी आमदार जेष्ठ नेते राजनजी पाटील, विद्यमान आमदार यशवंत माने, जेष्ठ नगरसेवक महेश कोठे यांची उपस्थिती असणार आहे. सोलापूर कार्यालय- ८०, बसवराज निलय नगर, जुने इंडियन मॉडेल स्कुल जवळ, जुळे सोलापूर.स्पर्धेमध्ये भाग घेण्यासाठी महाराष्ट्रासह इतरही राज्यातील संघ दाखल झाले आहेत. विजेत्या संघाला रोख रक्कम रुपये ५१,०००/- व शरद प्रतिभा चषक तसेच उपविजेत्या संघास रोख रक्कम रुपये ३१,०००/- व शरद प्रतिभा चषक असे बक्षिसाचे स्वरूप आहे.
व ११ डिसेंबर रोजी होणाऱ्या अंतिम सामन्यासाठी व बक्षीस वितरण समारंभासाठी राष्ट्रवादी काँग्रेस दक्षिण सोलापूर व सोलापूर जिल्हा राष्ट्रवादी काँग्रेसच्या पदाधिकारी व कार्यकर्त्यांनी उपस्थित राहून स्पर्धा व खेळाडू यांना प्रोत्साहन द्यावे असे आवाहन आयोजक तथा सोलापूर जिल्हा राष्ट्रवादी काँग्रेसचे जिल्हा उपाध्यक्ष महेश माने यांच्या वतीने करण्यात येत आहे.
सदरच्या पत्रकार परिषदेला राष्ट्रवादी काँग्रेसचे दक्षिण सोलापूर तालुका अध्यक्ष बिपीन करजोळे, तालुका सचिव रतन राठोड, सरपंच बालाजी यादव, तालुका उपाध्यक्ष राम जाधव, राहुल जाधव, अरविंद कांबळे, अनिकेत कांबळे आदी. उपस्थित होते.
