सोलापुरात आज 27 आमदार अन् भाजप 400 पदाधिकाऱ्यांचे पंचतारांकित दौरे…!

सोलापुरातील सात रस्ता रेस्ट हाऊस… जिल्हाधिकारी कार्यालय आणि नियोजन भवन तसेच हॉटेल बालाजी सरोवर या ठिकाणी आज सकाळपासून जिकडे तिकडे महागड्या आणि आलिशान गाड्याच गाड्या दिसू लागले आहेत. 27 आमदारांचा समावेश असलेली अंदाज समिती सोलापूर जिल्हा दौऱ्यावर आली असून या सर्वांची व्यवस्था बालाजी सरोवर या फाईव्ह स्टार हॉटेलमध्ये करण्यात आली आहे. समितीचे अध्यक्ष आमदार अर्जुन खोतकर यांनी नियोजन भावनात अधिकाऱ्यांसमवेत बैठक घेतली. दुसरीकडे हॉटेल बालाजी सरोवर मध्ये भाजपाची पश्चिम विभागीय संघटनात्मक बैठक सुरू झाली असून यामध्ये पुणे सातारा सांगली कोल्हापूर आणि सोलापूरचे चारशे प्रतिनिधी सहभागी झाले आहेत. पालकमंत्री जयकुमार गोरे, उच्च व तंत्र शिक्षण मंत्री चंद्रकांत पाटील, भाजपचे प्रदेशाध्यक्ष रवींद्र चव्हाण आदी मान्यवर भाजपच्या पदाधिकाऱ्यांना मतदार नोंदणी अभियान,पदवीधर तसेच शिक्षक मतदार संघ यासंदर्भात पक्ष पदाधिकाऱ्यांची जबाबदारी सांगणार आहेत. त्यामुळे आमदारांच्या अंदाज समितीचा दौरा… आणि भाजपचे मंत्री पदाधिकारी यामुळे सोलापुरात सोलापुरात मोठ्या प्रमाणावर नेते दाखल झाले आहेत.