निवडणुकीतील विजयासाठी बुथ मजबूत असणे गरजेचेः आ. सुभाष देशमुख

बूथ अभियानातून भाजपची तयारी
 
सोलापूर :बुथ रचना, शक्ती केंद्र अधिक मजबूत करण्यावर भर द्या, निवडणुकीतील विजयासाठी बुथ मजबूत असणे गरजेचे असून त्यादृष्टीने तयारी कार्यकर्त्यांनी सुरू करावी, बुथवर प्रमुख, पान प्रमुखासह विविध जबाबदारी सोपविण्यात येत असून कार्यकर्त्यांनी प्रत्येक बुथवर लक्ष केंद्रित करावे, असे आवाहन आ. सुभाष देशमुख यांनी केले आहे.

 महापालिका निवडणुकीच्या अनुषंगाने भारतीय जनता पक्षाकडून आ. सुभाष देशमुख यांनी निवडणुकीसाठी कंबर कसली असून  हद्दवाढ भागात ’समर्थ बूथ अभियाना’च्या माध्यमातून त्यांनी मोर्चेबांधणी सुरू केली आहे, एकाच दिवशी पाच ते सहा ठिकाणी बुथ अभियानाच्या बैठकी आ. देशमुख यांनी घेतल्या, त्यावेळी ते कार्यकर्त्यांना मागर्दशन करताना बोलत होते.

 पुढील वर्षाच्या सुरूवातीला नियमानुसार महापालिका निवडणुका होणार आहेत. सध्या महापालिकेवर भाजपाची सत्ता आहे. ती पुन्हा अबाधीत रहावी यासाठी आ. देशमुख यांनी भाजप बुथ अभियानच्या माध्यमातून तयारीला लागला आहे.  ’एक बूथ 25 यूथ’ योजनेसह बूथ अधिक सक्षम करण्यासाठी अभियानाच्या माध्यमातून प्रयत्न सुरू झाले आहेत.  आ. देशमुख यांनी हद्दवाढ भागातील सलगर वस्ती येथील सावंत वकील यांच्या निवासस्थानी, कुमठे येथे श्रीकांत ताकमोगे यांच्या निवास्थानी, कल्याण नगर, आसरा, देगाव आदी भागात  बुथ विषयी आढावा बैठक घेतल्या.यावेळी आ. देशमुख यांनी संघटनात्मक बांधणीचा आढावाही घेतला. बुथ रचना, शक्ती केंद्र अधिक मजबूत करण्यावर भर द्या, अशा सूचना त्यांनी कायकर्ते पदाधिकार्‍यांनी दिल्या. या सर्व बैठकींना शहर सरचिटणीस शशी सावंत,  सावंत वकील, अमोल गायकवाड, मंडल अध्यक्ष महेश देवकर, शिवराज सरतापे, आनंद बिराजदार,  श्रीकांत ताकमोगे, प्रथमेश कोरे, विशाल जाधव यांच्यासह बुथ प्रमुख आणि कार्यकर्ते उपस्थित होते.