नाशिक, दि. २१ नोव्हेंबर २०२६ : सातव्या महाराष्ट्र राज्य मास्टर्स गेम्स २०२६ अंतर्गत नाशिक येथे आयोजित राज्यस्तरीय जलतरण स्पर्धेत सोलापूरच्या जलतरणपटूंनी आपल्या उत्कृष्ट कामगिरीच्या जोरावर घवघवीत यश संपादन केले. सोलापूरच्या जलतरणवीरांनी तब्बल २२ पदकांची कमाई करून महाराष्ट्रात प्रथम क्रमांक पटकावण्याचा बहुमान मिळविला.या स्पर्धेत सोलापूरच्या खेळाडूंनी विविध वयोगटांत आणि विविध जलतरण प्रकारांत आपले कौशल्य सिद्ध केले.
सुवर्ण, रौप्य व कांस्य पदकांची लयलूट करीत सोलापूरच्या शिरपेचात मानाचा तुरा खोवला.सोलापूरच्या पदकविजेत्यांची चमकदार कामगिरी :१. श्री. शशिकांत पाटील (वय ६६ वर्षे) – १०० मी. ब्रेस्टस्ट्रोकमध्ये कांस्य, ५० मी. ब्रेस्टस्ट्रोक व ५० मी. बॅकस्ट्रोकमध्ये प्रत्येकी रौप्य पदक.२. श्री. श्रीनिवास परदेशी (वय ३५ वर्षे) – २०० मी. मिडले रिले, ५० मी. बटरफ्लाय व ५० मी. फ्रीस्टाइलमध्ये सुवर्णपदकांची कमाई.३. श्री. प्रवीण सोमा (वय ५५ वर्षे) – १०० मी. व ५० मी. ब्रेस्टस्ट्रोकमध्ये रौप्य, ५० मी. फ्रीस्टाइलमध्ये कांस्य पदक.४. श्री. अरविंद बुगडे (वय ७५ वर्षे) – १०० मी. फ्रीस्टाइल, ५० मी. ब्रेस्टस्ट्रोक व ५० मी. बॅकस्ट्रोक या तिन्ही प्रकारांत सुवर्णपदके.५. श्री. ओमकार गायकवाड (वय ३० वर्षे) – ५० मी. बॅकस्ट्रोकमध्ये रौप्य पदक.६. डॉ. अमोल देगावकर (वय ४३ वर्षे) – ५० मी. फ्रीस्टाइल व ५० मी. ब्रेस्टस्ट्रोकमध्ये सुवर्ण, तर १०० मी. ब्रेस्टस्ट्रोकमध्ये रौप्य पदक.७. श्री. नंदन जाकोटिया – ५० मी. फ्रीस्टाइलमध्ये कांस्य, ५० मी. बॅकस्ट्रोक व ५० मी. ब्रेस्टस्ट्रोकमध्ये सुवर्णपदके.८. श्री. गुरुलिंग कन्नूरकर (वय ८३ वर्षे) – वयाच्या ८३व्या वर्षीही उत्साह, जिद्द आणि जिद्दीच्या जोरावर ५० मी. ब्रेस्टस्ट्रोकमध्ये सुवर्ण, ५० मी. फ्रीस्टाइलमध्ये रौप्य पदक मिळविले. ५० मी. बॅकस्ट्रोकमध्येही सहभाग नोंदविलासोलापूरच्या या जलतरणपटूंनी मिळविलेले यश हे त्यांच्या सातत्यपूर्ण सरावाचे, कठोर परिश्रमाचे, शिस्तीचे आणि जिद्दीचे फलित आहे. या सर्व पदकविजेत्या जलतरणपटूंचे सोलापूरकरांकडून सर्वत्र अभिनंदन होत असून, त्यांच्या यशामुळे सोलापूरच्या क्रीडा क्षेत्राची मान उंचावली आहे.सोलापूरचा जलतरण क्षेत्रातील हा विजय नव्या पिढीला प्रेरणा देणारा आणि ज्येष्ठांनाही नवी उमेद देणारा ठरला आहे!










