गटनेते आनंद चंदनशिवे व म.न.पा अधिकारी यांचीही उपस्थिती
सोलापूर: बाळे हद्दवाढ भागातील केगांव लगत शिवाजी नगर येथील म.न.पा च्या 43 एकर जागेवर वृक्षलागवड करण्याच्या दृष्टीकोनातून गटनेते आनंद चंदनशिवे व म.न.पा अधिकारी यांनी पाहणी केली. यावेळी प्रिसिजन समुहाचे प्रमुख यतिन शहा यांनी वृक्षलागवडीसाठी सहाकार्य करण्याचे आश्वासन दिले.
या संदर्भात म.न.पाचे आयुक्त, नगरसेवक आनंद चंदनशिवे, गणेश पुजारी व ज्योती बमगोंडे, उपायुक्त धनराज पांडे, यांची दि.23/07/2021 रोजी संयुक्त बैठक झाली. या बैठकीमध्ये मनपाच्या 43 एकर च्या जागेवर अज्ञात लोकानी मुरुम व माती उपसा केला आहे आजुबाजुच्या जागेवर अतिक्रमण करण्याची शक्यता जास्त आहे. त्यामुळे माझी वसुंधरा अभियान अंतर्गत 43 एकर पडिक असलेल्या जागेवर वृक्ष लागवड करून सदरील जागेवर वॉल कंपाँड व कायम स्वरुपी रखवालदार इत्यादी गोष्टीची पुर्तता केल्यास मनपाची आरखित जागा सुरक्षित राहण्याच्या दृष्टीकोनातुन या जागेवर याच भागाचे नगरसेवक यांनी निधी उपलब्ध करून पर्यावरणामध्ये वृक्ष लागवड करणे हे सामाजिक काम असुन या मध्ये प्रशासन व लोकप्रतिनिधी याचा सहभाग झाल्यास एक चांगले जंगल निर्माण करून पर्यटणसाठी आकर्षित करण्याच्या दृष्टीकोनातून आज दि.03/08/2021 रोजी गटनेता आनंद चंदनशिवे व म.न.पा अधिकारी यांनी जागेवर जाऊन पाहणी करण्यात आली.
तसेच गटनेते आनंद चंदनशिवे यांनी सर्वपक्षीय नगरसेवकांना या मोलाच्या कामासाठी मदतीचे आव्हान केले यास काँग्रेसचे गटनेते चेतन नरोटे , सदस्य विनोद भोसले सदस्या वैष्णवी करगुळे यांनी त्यांच्या भांडवली निधीतून प्रत्येकी 1.00 लाख रुपये निधी देण्याचे आश्वासन दिले.
या पाहणी वेळी प्रिसिजन समुहाचे प्रमुख यतिन शहा यांनी सुध्दा भेट दिली यावेळी त्यांनी सदरील जागा पाहिल्यावर या वृक्ष लागवडी साठी आमच्या समुहातर्फे सहकार्य करू असे आश्वासन दिले तसेच उद्योजक व निसर्गप्रेमी प्रल्हाद काशिद यांनी सुध्दा भेट दिली व वृक्षलागवडीसाठी मदत करू असे आश्वासन दिले या पाहणीवेळी उपायुक्त धनराज पांडे गणेश पुजारी, विजय बमगोंडे, नगरअभियंता, संदिप कारंजे, अनिल जैन केतन होरा, सहा.आयुक्त विक्रम पाटील, मुख्य सफाई अधिक्षक अधिकारी नागेश मेंडगुळे पाणी पुरवठा अधिकारी चौबे, इंजिनिअर मुजावर संदेश इंगळे आदी उपस्थित होते.
