सोलापूरच्या ग्रामीण भागामुळे शहराचे टेन्शन वाढले

येस न्युज मराठी नेटवर्क : एक जून पासून ज्या जिल्ह्यात जास्त रुग्ण आढळतात त्या ठिकाणचा लॉकडाऊन कायम राहणार असून काही निर्बंध शिथिल केले जाणार आहेत. सोलापूर शहरातील कोरोना रुग्ण संख्या कमी झाली असली तरी ग्रामीण भागात अजूनही 10 ते 12 टक्के रुग्ण आढळत आहेत. त्यामुळे ग्रामीण भागाचा फटका शहराला बसणार का ? यामुळे एक जून नंतर लॉकडाऊन ची टांगती तलवार अद्याप सोलापूर शहरावर कायम आहे. पालकमंत्री दत्तात्रय भरणे यांनी देखील या घटनेला दुजोरा दिला असून याबाबतचा निर्णय मुख्यमंत्री घेतील असे सांगितले आहे. त्यामुळे सोलापूर शहर आणि जिल्ह्यात एक जून नंतर वेगवेगळी नियमावली असेल का याची उत्सुकता लागली आहे. पावसाळ्याची दिवस सुरू होणार आहेत तसेच अनेक दुकानात कोट्यवधी रुपयांचा माल आहे त्यामुळे सोलापूर शहरातील दुकाने एक जूनपासून सुरू करण्याची मागणी व्यापारी करू लागले आहेत. उद्यापर्यंत याबाबत अधिकृत नियमावली जाहीर होईल त्यामुळे याची उत्सुकता लागली आहे.