येस न्युज मराठी नेटवर्क – (समाधान रोकडे) उत्तर सोलापूर तालुक्यातील कळमन या गावात बँक ऑफ महाराष्ट्रचे रोखपाल रोहिदास मंडलिक मोठ्या जोमानं काम करत असल्याचे दिसत आहे.बँक ऑफ महाराष्ट्र ही शाखा 1982 सालापासून कळमन येथे कार्यरत असून खूप चांगल्या रीतीने ही बँक अद्याप चांगले काम करत आली आहे. या शाखेत रोहिदास मंडलिक ३० वर्ष झाले सेवा बजवात आहेत. रोखपाल म्हणून ते अत्यंत चांगल्या पद्धतीने काम करत आहेत .या बँकेत कौठाळी,गावडी दारफळ, भागायवाडी,साखरेवाडी तसेच पडसाळी या गावातील कळमन या शाखेत खातेधारक असून, संजय गांधी,श्रावणबाळ या योजनेतील अनेक लाभार्थी येथे पैसे काढण्यासाठी येत असतात.कोरोना या सारख्या रोगात देखील शासनाने जारी केलेल्या योजनेतुन जमा झालेले पैसे काढण्यासाठी लोकांची धाव या बँकेकडे होती परंतु या ठिकाणी जे काम 10 ते 5 या वेळेस असते ते काम रोखपाल रोहिदास मंडलिक अगोदरच करतात. त्यांच्या या वेगात करणाऱ्या कामांमुळे जशी इतर बँकासमोर गर्दी दिसते तशी गर्दी या बँकेसमोर दिसून येत नाही याचे सर्व श्रेय जाते ते म्हणजे रोखपाल रोहिदास मंडलिक यांना कारण ते आपले काम इतर अधिकाऱ्यापेक्षा वेगळ्या पद्धतीने करत असताना दिसून येते. यामुळे यांच्या या चांगल्या कामाची चर्चा येणाऱ्या नागरिकांन मधून ऐकायला मिळते.
