रुग्ण बरे होण्याचे प्रमाण वाढले : ४० जणांचा मृत्यू
येस न्युज मराठी नेटवर्क (शिवाजी सुरवसे ) : सोलापूर शहर आणि जिल्ह्यातील कोरोना बाबतचे रविवारी रात्री बारा वाजेपर्यंत चे अहवाल महापालिका आणि जिल्हा परिषदेने जाहीर केले आहेत .या अहवालानुसार शहर आणि जिल्ह्यातील 1327 रुग्ण बरे होऊन घरी गेले तर 1537 नवे रुग्ण आढळून आले आहेत .शहरात आणि ग्रामीण भागात प्रत्येकी 20 रुग्णांचा मृत्यू झाला आहे. ग्रामीण भागात 6129 अहवाल जाहीर झाले. यामध्ये 1320 रुग्ण आढळले तर यातील पंढरपुरात 303 आणि मंगळवेढ्यात 150 सहाशे 453 रुग्ण अवघ्या दोन तालुक्यातच आढळले आहेत . पोटनिवडणुकीचा निकाल जाहीर होण्यापूर्वीच प्रचाराचा दरम्यान कोरोना ने घातलेल्या थैमानाचे निकाल जाहीर होऊ लागले आहेत.
सोलापूर ग्रामीण : सोलापूरच्या ग्रामीण भागात 1320 नवे रुग्ण आढळले तर 891 रुग्ण बरे होऊन घरी गेले. आजवर ग्रामीण भागात 68 हजार 57 रुग्ण कोरोना बाधित आढळले असून यातील 56 हजार 57 रुग्ण बरे झाले आहेत. तर सध्या 10 हजार 451 रुग्ण हॉस्पिटलमध्ये उपचार घेत आहेत. ग्रामीण भागात आजवर कोरोना ने 1549 जणांचा बळी घेतला आहे.
सोलापूर शहर : सोलापूर शहरात सोमवारी 1540 अहवाल जाहीर झाले. आणखी 425 अहवाल जाहीर होणे बाकी आहे. जाहीर झालेल्या अहवालामध्ये 217 कोरोना बाधित आढळले असून 436 जण बरे होऊन रुग्णालयातून घरी दिले आहेत सर 20 जणांचा मृत्यू झाला आहे. सध्या सोलापुरातील विविध हॉस्पिटलमध्ये 3484 रुग्ण उपचार घेत आहेत. सोलापूर शहरात आजवर दोन लाख 71 हजार 409 चाचण्या घेण्यात आल्या यामध्ये 24 हजार 345 रुग्ण आढळले यापैकी 19789 रुग्ण बरे झाले 1072 लोकांचा कोरोना ने बळी घेतला तर सध्या 3484 रुग्ण हॉस्पिटलमध्ये उपचार घेत आहेत
