येस न्युज मराठी नेटवर्क : सोलापूर शहर व जिल्ह्यातील कोरोना महामारीने खरोखरच भयावह स्वरूप धारण केले आहे. कोरोना आजारावर उपचार घेणाऱ्या व्यक्तींची एकट्या बार्शी तालुक्यातील संख्या १०००पर्यंत पोचली आहे. पाचशेपेक्षा अधिक व्यक्ती कोरोनावर उपचार घेत असलेल्या तालुक्यांमध्ये करमाळा माढा आणि माळशिरसचा समावेश आहे. रविवारी रात्री बारापर्यंत आलेल्या अहवालानुसार जिल्ह्यात ४४८ तर सोलापूर शहरात नवीन २०२ व्यक्तींना कोरोनाची बाधा झाल्याचे स्पष्ट झाले आहे. सोलापूर जिल्ह्यातील बार्शी तालुक्यातील बाभूळगाव येथील ७९ वर्षांच्या व्यक्तीचा जगदाळे मामा हॉस्पिटलमध्ये मृत्यू झाला.
करमाळा तालुक्यातील कारंजे येथील ८० वर्षाच्या व्यक्तीचा सोलापूरच्या सिव्हिल रुग्णालयात मृत्यू झाला . मोहोळ तालुक्यातील बेगमपूर येथील ६५ वर्षाच्या पुरुषाचा गंगामाई रुग्णालयात मृत्यू झाला तर मोहोळ तालुक्यातील आठवडा बाजार येथील पन्नास वर्षाच्या महिलेचा सिव्हिल रुग्णालयात मृत्यू झाल्याचे जिल्हा आरोग्य अधिकारी डॉक्टर शीतल कुमार जाधव यांनी प्रसिद्धीस दिलेल्या पत्रकात म्हटले आहे .सोलापूर शहराचा विचार केला तर रविवारी दिवसभरात सहा व्यक्तींचा मृत्यू झाल्याचे स्पष्ट झाले आहे. सैफुल येथील आर्य चाणक्य नगर मधील ६६ वर्षांचा पुरुष, शिवाजीनगर मोदीखाना येथील ७२ वर्षांच्या व्यक्तीचा, एकता नगर येथील ५७ वर्षांचे व्यक्ती ,विजयनगर येथील ४६ वर्षांची व्यक्ती, वृंदावन विहार विजापूर रोड येथील ६४ वर्षांच्या व्यक्तीचा मृत्यू कोरोनाने झाला आहे. शिवाजीनगर मोदी येथील ७७ वर्षांच्या महिलेचा रेल्वे रुग्णालयात मृत्यू झाला आहे.
