नवी दिल्ली : मोदी सरकारनं केंद्रीय कर्मचाऱ्यांसाठी खुशखबर दिली आहे . केंद्रीय कर्मचाऱ्यांचा महागाई भत्ता पुन्हा सुरू करण्यात आला आहे . यासोबतच तीन टप्प्यांत मिळून ११ टक्के महागाई भत्ता वाढवून देण्याचा निर्णयही घेण्यात आला आहे . पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या बैठकीत हा निर्णय घेण्यात आला आहे.
गेल्या वर्षी करोना संक्रमणाच्या सुरुवातील केंद्रीय कर्मचाऱ्यांचा महागाई भत्ता रोखण्याचा निर्णय घेण्यात आला होता. महागाई भत्याचा हप्ता प्रत्येक सहा महिन्यांनी जारी केला जातो. वर्षात पहिल्यांदा १ जानेवारी आणि दुसरा १ जुलै रोजी महागाई भत्ता जारी केला जातो.
आज घेण्यात आलेल्या निर्णयानुसार, १ जानेवारी २०२०, १ जुलै २०२० आणि १ जानेवारी २०२१ पासून लागू होणाऱ्या तीन हप्त्यांवरील स्थगिती मागे घेण्यात आली आहे . यानंतर तीन हफ्ते मिळून एकूण ११ टक्के वाढ कर्मचाऱ्यांना मिळणार आहे. म्हणजेच महागाई भत्त्याचा दर १७ टक्क्यांहून वाढून २८ टक्क्यांवर करण्यात आला आहे . सरकारच्या या निर्णयाचा फायदा केंद्रीय कर्मचाऱ्यांना तसेच पेन्शनधारकांनाही होणार आहे.
