सोलापूर जिल्ह्यातील सुपुत्र छत्तीसगडमध्ये शहीद

येस न्युज मराठी नेटवर्क : सोलापूरचा जवान छत्तीसगडमध्ये शहीद झाल्याची दुर्दैवी घटना समोर आली आहे. चकमकीत दोन हात करताना जवानाला वीरमरण आले. रामेश्वर काकडे असे शहीद जवानाचे नाव आहे. शहीद काकडे हे सोलापूर जिल्ह्यातील बार्शी तालुक्यातील गौडगावचे मूळ रहिवासी होते. छत्तीसगड येथील रायपूर येथे झालेल्या चकमकीत काकडे यांना वीरमरण आले. शहीद रामेश्वर काकडे बीएसएफमध्ये कार्यरत होते. दहशतवाद्यांशी लढताना तीन दिवसांपूर्वी त्यांना गोळी लागली होती. उपचार सुरु असताना त्यांची प्राणज्योत मालवल्याची बातमी बुधवारी समोर आली.