भीमा नदी पात्रात सुमारे सव्वा लाख क्युसेक एवढे पाणी पाहू लागली आहे. नीरा नदीतील पाणीदेखील पंढरीत पोहोचल्यामुळे भीमा नदी पात्रात आज सकाळी पाण्याची पातळी वाढली असून व्यास नारायण झोपडपट्टी परिसरातील शंभर कुटुंबांचे स्थलांतरण करण्यात आले. काल सायंकाळी उजनीतून भीमा नदीत 91 हजार सहाशे क्युसेक सोडलेली पाणी आज पंढरीत पोहोचले आहे. त्यामुळे पंढरीत आज भीमा नदीने 443 मीटर ही इशारा पातळी ओलांडली. 445 मीटर ही धोका पातळी आहे. सध्या नदीपात्रात 443.40 मीटर एवढ्या उंच पातळीवर पाणी आहे. एकीकडे भीमा नदीला महापूर आला असताना दुसरीकडे ज्या सीना कोळेगाव प्रकल्पामुळे गेल्या वर्षी सीना नदीला महापूर आला होता त्या सीना कोळेगाव प्रकल्पात अवघे 9% पाणी साठले आहे यामुळे सीना नदी पात्र देखील कोरडे ठाक आहे.
भीमा नदी पात्रातील पाणी डेंजर झोनमध्ये… 100 घरांचे स्थलांतरण…!
