आनंदवार्ता – दमाणीनगरच्या रेल्वे उड्डाणपूल कामाचे स्पीड वाढले..!

हैराण झालेल्या सोलापूरकरांना दमाणीनगरचा रेल्वे उड्डाणपूल कधी होणार याची चिंता लागली आहे. येस न्यूज मराठीच्या टीमने आजच स्पॉट पाहणी करून यावर विशेष बातमी बनवली. भारतीय राष्ट्रीय महामार्ग प्राधिकरणाकडून सोलापूर शहरातील अण्णाभाऊ साठे चौक म्हणजेच भैया चौक ते मरीआई चौकापर्यंत उड्डाणपूल बनविण्यासाठी 38 कोटी रुपयांचे काम गोयला इन्फ्रा या कंपनीला दिले आहे. सध्या रेल्वे ट्रॅकच्या कडेला एका बाजूला बारा आणि दुसऱ्या बाजूला आठ पिलर पूर्णपणे उभारले आहेत. सुमारे 40 टन वजनाचे गर्डर जे या पिलर वर बसविले जाणार आहेत ते देखील बनवण्याचे काम गतीने सुरू आहे. शिवाय दोन्ही बाजूंनी रस्त्याच्या कामाची देखील चांगलीच गती वाढली आहे. त्यामुळे डिसेंबर पर्यंत हे काम शंभर टक्के पूर्ण होईल आणि जानेवारीपासून वाहतुकीसाठी हा रस्ता खुला होईल असे सध्याचे तरी दृश्य आहे.