तुळजापूर दर्शनासाठी जाताना घडला अपघात
दक्षिण सोलापूर तालुक्यातील इंगळगी येथे मोटारसायकल आणि ऊस वाहतूक करणाऱ्या ट्रॅक्टरमध्ये भीषण अपघात झाला असून या दुर्घटनेत कर्नाटक सीमेवरील व्हसूर या गावातील २६ वर्षीय शरणबसप्पा मलकप्पा हंजगी याचा जागीच मृत्यू झाला.
हा अपघात संध्याकाळच्या सुमारास घडला. अपघातानंतर ऊसाचा ट्रॅक्टर घटनास्थळावरून निघून गेला असून पोलीस पुढील तपास करीत आहेत.
मृत तरुण हा एकुलता एक असून वडील मलकप्पा हे कर्करोग ग्रस्त आहेत. काल दुपारी मृत तरुणावर गावी अत्यंत शोकाकुल वातावरणात अंत्यसंस्कार करण्यात आले.
