अमेरिकेहून स्वामींच्या दर्शनाला आले स्वामी नलिनानंद गिरी
श्री स्वामी समर्थांमुळे श्री वटवृक्ष स्वामी महाराज देवस्थानच्या कार्याचा व स्वामी भक्तीचा विस्तार आता सातासमुद्रा पलीकडे अमेरिकेतही पोहोचला आहे. स्वामींची निस्सीम भक्ती करणारे अमेरिकेतही अनेक भक्त आहेत, त्यामुळे येथील श्री वटवृक्ष स्वामी महाराज मंदिरास भेट देऊन स्वामी समर्थांचं दर्शन घेण्याचा मनोदय झाला होता, म्हणून आज प्रत्यक्ष अमेरिकेहून येथे येऊन श्री स्वामी समर्थांचे दर्शन घेऊन अत्यंत धन्य झालो आहे.
समितीचे व्यवस्थापन व समितीचे प्रमुख महेश इंगळे यांच्या अध्यात्मिक सेवा कार्याचा मला अत्यंत हेवा वाटत आहे. त्यामुळे श्री वटवृक्ष स्वामी महाराज देवस्थान व महेश इंगळे यांच्या सेवा कर्याचा प्रचार प्रसार आता यापुढे आम्ही अमेरिकेतही करू असे मनोगत भारताचे अमेरिकेतील धर्मगुरू स्वामी नलिनानंद गिरीजी यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास भेट देऊन श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन व नगरसेवक महेश इंगळे यांनी स्वामी निलिनानंद गिरीजी यांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला.
याप्रसंगी स्वामी नलिनानंद गिरीजी बोलत होते. पुढे बोलताना स्वामी नलिनानंद गिरीजी यांनी भारतीय संस्कृती ही अध्यात्मामुळे जगात सर्वश्रेष्ठ आहे. या संस्कृतीची व भारतीय अध्यात्माची महती जगाला समजण्याकरिता आम्ही अमेरिकेत आनंदालय या आध्यात्मिक केंद्राची निर्मिती केलेली आहे. या माध्यमातून भारतीय संस्कृती येथील अध्यात्मिक वातावरण आत्मसात करून जीवन कसे समाधानी करून घ्यावे याचे मार्गदर्शन आम्ही अमेरिकेतील नागरिकांना करीत असतो.
अमेरिकेतील आमचे आध्यात्मिक केंद्र आनंदालय येथे यापुढे आम्ही स्वामींचे मंदिर ही स्थापन करून स्वामीभक्तीचा प्रचार- प्रसार ही तेथे करू असेही स्वामी नलिनानंद गिरीजी यांनी महेश इंगळे यांना आश्वासन दिले व मंदिर समितीचे अध्यक्ष महेश इंगळे यांना अमेरिकेतील आनंदालयास सदिच्छा भेट देण्याची विनंती ही केली. याप्रसंगी मंदिर समितीचे सचिव आत्माराम घाटगे, विश्वस्त महेश गोगी, शिवराज स्वामी, प्रणव माळवे, शिवशंकर स्वामी, श्रीशैल गवंडी, विपुल जाधव, स्वामीनाथ मुमूडले, सागर गोंडाळ, प्रसाद सोनार, श्रीकांत मलवे आदिसह भाविक भक्त उपस्थित होते.
