TOP 25 । दमानी नगर ब्रीज: रेल्वे उड्डाणपुलाचे फाउंडेशन उभारू लागले…!

बऱ्याच दिवसापासून फाउंडेशनच्या डिझाईन पेंडिंग असल्यामुळे रखडलेले सोलापुरातील दमानी नगर येथील रेल्वे उड्डाणपुलाचे काम सध्या गतीने सुरू झाले आहे. ज्या ठिकाणी पिलर उभा करायचे आहेत त्या ठिकाणी फाउंडेशन उभारण्यात आले आहे. दोन्ही बाजूनी फाउंडेशनच्या कामाला चांगलीच गती आली आहे. अण्णाभाऊ साठे चौक ते मरीआई चौकाला जोडणाऱ्या दमानी नगरच्या उड्डाणपुलाचे 14 डिसेंबर रोजी पाडकाम करण्यात आले. इतर कामे सुरू होती मात्र मुख्य रेल्वे ट्रॅक वर उभारल्या जाणाऱ्या उड्डाणपुलाचे काम सुरू झाले नव्हते. एन एच ए आय च्या माध्यमातून हे 38 कोटी रुपयांचे काम गोयला एंप्रा यांना देण्यात आले आहे. डिसेंबर पर्यंत काम संपविण्याचे टार्गेट आहे. पावसाळ्यापूर्वी रेल्वे ट्रॅकच्या वरील गर्डल बसले तर हा ब्रिज वेळेत सुरू होईल अशी आशा आहे.