TOP 25 – अबब..! सोलापूरच्या वकिलाला तब्बल 121 कोटी रुपयांची दंडाची नोटीस….!

खरेदी विक्रीची बनावट बिले सादर करून केंद्रीय जीएसटी कार्यालयाची फसवणूक केल्याप्रकरणी सोलापुरातील वकील साजिद अहमद अब्दुल रऊफ शेख याला केंद्रीय जीएसटी गुप्तचर यंत्रणेने तब्बल121 कोटी रुपयांच्या दंडाची नोटीस पाठवली आहे. त्यांनी कागदोपत्री दाखवलेल्या सुमारे साडेचारशेहून अधिक कंपन्यांची तपासणी सुरू झाली आहे. केंद्रीय गुप्तचर अधिकारी अभिजीत भिसे यांनी कोल्हापुरात ही माहिती दिली. बनावट कंपन्यांच्या नावाने खरेदी विक्री केल्याची बिले सादर करून साजिद शेख याने जीएसटी कार्यालयाची फसवणूक केली. याप्रकरणी त्याला मे 2025 मध्ये अटक करण्यात आली होती. याचा तपास सुरू असून आजवर 140 जणांना नोटीसा पाठविल्या आहेत आणि 70 जणांचे जबाब नोंदवले गेले आहेत. या गंभीर प्रकरणात दहा ठिकाणी छापे टाकून महत्त्वाची कागदपत्रे, संगणक,लॅपटॉप जप्त केले आहेत. साजिद शेख यांनी तातडीने 121 कोटी रुपयांची दंडाची रक्कम जमा करावी असे नोटेशन मध्ये नमूद करण्यात आले आहे. सोलापूरच्या एका वकिलाची हा उद्योग राज्यभर गाजू लागला आहे.