कर्णिक नगर येथे शनेश्वर जयंती सोहळा विविध धार्मिक व सामाजिक उपक्रमासह उत्साहात संपन्न झाला.

सोमवारी वैशाख मासातील सोमवती अमवश्या होती आमावश्येला प्रारंभ दुपारी बारानंतर झाला, दिवसभर या विशेष समस्ये निमित्त न्यायाची देवता असलेल्या शनेश्वराला तैलाअभिषेक ,नवग्रह पूजा, होम हवन ,लघु रुद्राभिषेक महाप्रसाद , महाआरती आदी धार्मिक कार्यक्रम संपन्न झाले. त्यानंतर सायंकाळी गोरज मुहूर्तावर शनीजन्मोत्साहाचा पाळणा कार्यक्रम देखील पार पाडला. यावेळी महिलांनी गुलाल उधळून पुष्पवृष्टी करून शनेश्वराच्या नावाचा जयघोष केला.

   संपूर्ण दिवसभर विविध धार्मिक कार्यक्रमासह गुणवंत विद्यार्थ्यांचे सत्कार व रक्तदान शिबिर यांचे आयोजन देखील देवस्थान समितीकडून करण्यात आले होते. देवस्थान समितीचे संस्थापक अध्यक्ष ॲड .सुरेश गायकवाड यांनी या शनेश्वराच्या शक्ती स्थळाचे महत्त्व शनी भक्तांना सांगितले.

     हा कार्यक्रम यशस्वी करण्यासाठी देवस्थान समितीचे अध्यक्ष विश्वास शिंदे ,उपाध्यक्ष नागेश शिरूर, सचिव ॲड सुनील शिरसागर ,जयंत कदम रतन गायकवाड, प्रभाकर फलमारी, प्रभाकर यादगिरी, दयानंद बादगुडे ,बाळासाहेब कांबळे आदींनी परिश्रम घेतले.

दिवसभर शनि भक्तांनी दर्शनासाठी पावसाचे रिपरिप व संततधार सुरू असताना देखील गर्दी केली होती .अनेक मान्यवरानी शनि दर्शनाचा लाभ घेतला यामध्ये विशेष करून शिवसेना उद्धव बाळासाहेब ठाकरे पक्षाच्या उपनेत्या अस्मिता गायकवाड, महिला आघाडीच्या पदाधिकारी तसेच ॲड किरण भोसले ॲड दादासाहेब जाधव ॲड युवराज अवताडे ॲड शिवाजी कांबळे ॲड लक्ष्मण भोसले ॲड अभय बिराजदार ॲडमल्लिनाथ पाटील, ॲड . शिवानंद फताटे आदीसह उद्योजक व्यापारी यांनी देखील हजेरी लावली होती .

   यावेळी प्राध्यापक अनिल लोंढे सर यांच्या पाळणा व भक्ती गीतांचा कार्यक्रम संपन्न झाला. याला देखील शनी भक्तांनी मोठा प्रती साद दिला.