आज निवडणुकीचे चित्र स्पष्ट होणार ! बार्शी विरुद्ध बार्शी सामना रंगणार..

राज्यातील 17 स्थानिक स्वराज्य संस्था मतदारसंघातील निवडनुकीचे चित्र आज दुपारी स्पष्ट होणार आहे. पालकमंत्री जयकुमार गोरे यांनी सोलापूरची निवडणूक बिनविरोध होईल असे वक्तव्य केले आहे आणि त्यातच काँग्रेसचे उमेदवार फत्तेपुरकर यांचा अर्ज बाद झाला आहे. त्यामुळे निवडणूक बिनविरोध होणार की निवडणूक लागणारच हे आज दुपारी स्पष्ट होणार आहे.भाजपाचे राजेंद्र राऊत, शरद पवार गटाचे वसंत देशमुख यांच्यासह नागेश अक्कलकोटे , जीवन जानकर, धनंजय डिकोळे, महेश साठे आणि रमेश बारसकर या सात जणांचे उमेदवारी अर्ज छाननी देखील मंजूर झाले आहेत.काँग्रेसचे अधिकृत उमेदवार असलेले आदित्य फत्तेपूरकर यांचा अर्ज बाद झाल्यानंतर सोलापुरातील राजकीय गनिमी काव्याने राज्याचे लक्ष वेधून घेतले. या सात अर्जापैकी बार्शीतील दिलीप सोपल गटाचे नागेश अक्कलकोटे यांचा अर्ज कायम राहण्याची शक्यता असून उर्वरित अर्ज माघारी घेतली जाण्याची शक्यता आहे. त्यामुळे सोलापूरची विधान परिषद निवडणुकीत बार्शी विरुद्ध बार्शी म्हणजेच राजेंद्र राऊत विरुद्ध बार्शीचेच सोपल गटाचे नागेश अक्कलकोटे यांच्यात अटीतटीचा सामना होण्याची शक्यता आहे. 18 जून ही मतदानाची तारीख असून 616 मतदार या निवडणुकीत गुप्त मतदान पद्धतीने मतदान करणार आहेत.