ऑर्डर कॅन्सल संदर्भात प्रशासनच संदिग्ध व संभ्रमात
देशासह सध्या सोलापुरात देखील जनगणना संदर्भात प्रशिक्षण दिले जात आहे.गेली सात आठ वर्षांपासून BLO चे काम करणाऱ्या शिक्षकांना देखील जनगणनेचे ऑर्डर्स प्रशासनाने काढलेले आहेत. अक्कलकोट तालुकास्तरावरील BLO चे कार्य करणाऱ्या शिक्षकांचे जनगणना संदर्भातील ऑर्डर्स कॅन्सल करण्यात आले आहेत, परंतु इतर तालुक्यातील जनगणनेच्या आलेले ऑर्डर्स मात्र कॅन्सल झालेले नाहीत.जिल्हाधिकाऱ्यांनी या संदर्भात बैठक घेऊन सर्व BLO लोकांना जनगणनेतून कार्यमुक्त करण्याचा निर्णय घेतला गेल्याचे सांगण्यात येत असले तरी महानगरपालिकेच्या हद्दीतील शिक्षकांना यातून अद्यापही वगळलेले नाही. महापालिकेचे आयुक्त सचिन ओंबासे यांनी याबाबत कुठलीही कार्यवाही केली नसल्याने सर्व BLO नी तीव्र रोष व्यक्त केला आहे.
आज दिनांक 6 ते 8 एप्रिल या कालावधीत प्रभाग क्रमांक 20,24,25,26 या भागातील जनगणनेचे प्रशिक्षण हुतात्मा स्मृती मंदिर येथे सुरू आहे.
हे प्रशिक्षण घेत असताना मार्गदर्शकांंनी BLO चे ऑर्डर्स कॅन्सल होतील की नाही याबाबत प्रशिक्षण संपल्यावर भाष्य करू असे सांगितले. यावर कॅन्सल कराच आणि होणार असेल तर प्रशिक्षणासाठी का थांबवलं गेलं असा सवाल संबंधितांकडून उपस्थित केला जात आहे.
