गळफास घेवून तरुणाची आत्महत्या

सोलापूर : राहत्या घरी बेडरूममधील पंख्याला साडीच्या साहाय्याने गळफास घेऊन तरुणाने आत्महत्या केली. प्रतीक चंद्रकांत कमळे (वय २४, रा. स्वामी विवेकानंद नगर सैफुल) असे आत्महत्या केलेल्या तरुणाचे नाव आहे. ही घटना सोमवारी सायंकाळी सहा वाजण्याच्या सुमारास घडली. तरुणाने अचानकच आत्महत्या केल्यामुळे परिसरात हळहळ व्यक्त केली जात आहे. त्यांच्या पश्चात आई, वडील, एक बहीण आहे. या घटनेची नोंद सिव्हिल चौकीत झाली आहे.