सोलापूर – केंद्र शासनाच्या “खेलो इंडिया” योजनेअंतर्गत पुण्यश्लोक अहिल्यादेवी होळकर, सोलापूर विद्यापीठसाठी मंजूर असलेल्या मल्टीपर्पज इनडोअर हॉल बांधण्यासाठी केंद्र शासनाकडे रुपये 10.9 कोटी रुपयांच्या भरीव निधीची मागणी संदर्भातले निवेदन देत खासदार डॉ. जय सिध्देश्वर शिवाचार्य महास्वामी यांनी केंद्रीय क्रीडा मंत्री किरेन रिजिजू यांची भेट घेत चर्चा केली.
केंद्र शासनाच्या “खेलो इंडिया” योजने अंतर्गत पुण्यश्लोक अहिल्यादेवी होळकर विद्यापीठ सोलापूर साठी मल्टीपर्पज इनडोअर हॉल बांधण्यासाठी केंद्र शासनाकडे रुपये 10.9 कोटी रुपयांची मागणी खासदार डॉ. जयसिद्धेश्वर शिवाचार्य महास्वामीजी यांनी केली होती. लोकसभेत याबाबत प्रश्न उपस्थित केल्यानंतर या कमी मंजुरी मिळाली होती. तत्पूर्वी सोलापूर विद्यापीठाने तसा प्रस्ताव केंद्र शासनाकडे पाठविला होता. त्यावर केंद्र शासनाने विद्यापीठाला 4.5 करोड रुपयेचे अनुदान मंजूर केले.
परंतु, केंद्र शासनाने सोलापूर विद्यापीठाच्या मल्टीपर्पज हॉलसाठी पाठविलेला निधी हा अपुरा असून त्यातून सोलापूर विद्यापीठाचे उद्दिष्ट पूर्ण होणार नसल्यामुळे 13 फेब्रुवारी 2021 रोजी डॉ. जयसिद्धेश्वर शिवाचार्य महास्वामी यांनी केंद्रीय क्रीडामंत्री किरेन रिजिजू यांची भेट घेऊन सोलापूर विद्यापीठाने मल्टीपर्पज हॉलच्या बांधकामासाठी मागितलेल्या निधीची तरतूद करून लवकरात लवकर तो निधी विद्यापीठाला वर्ग करावा अशा आशयाचे निवेदन मंत्री महोदयांना दिले.हा निधी मिळाल्यास सोलापूर विद्यापीठाला आंतरराष्ट्रीय स्तरावरील बास्केट बॉल, हँडबॉल आणि वॉलीबॉल चे सामने आयोजित करता येतील. यामुळे विद्यापीठाच्या लौकिकात भर पडणार आहे. त्याच बरोबर सदर हॉलचे बांधकाम केंद्र सरकारने दिलेल्या मुदतीत पुर्ण होणे शक्य नसल्यामुळे त्याचा कालावधी वाढवून देण्याची मागणी खासदार यांनी केंद्रीय क्रीडा मंत्र्यांना केली आहे.
