TOP 25 । इंद्रभुवन आवारात जागा रिकामी, नागरिकांना नो पार्किंग…आता बारकोड येणार !

सोलापूर महापालिका परिसरात लवकरच महापालिका अधिकारी नगरसेवक तसेच पत्रकारांना बारकोड द्वारे वाहनांचा पास दिला जाणार आहे. उर्वरित सर्वसामान्य नागरिकांना गेल्या महिन्याभरापासून जागा रिकामी असताना देखील त्यांच्या वाहनांना गेटच्या आत येऊ दिले जात नाही. हुतात्मा स्मृती मंदिराचे पार्किंग फुलझाले आहे. ज्या नागरिकांना महापालिकेत विविध कामासाठी यायचे आहे त्यांनी गाड्या कुठे पार्क कराव्यात हा मोठा प्रश्न आहे. महापालिका सभा असेल त्या दिवशी सर्वसामान्य नागरिकांना त्यांच्या वाहनांना एन्ट्री देऊ नये मात्र इतर दिवशी जागा रिकामी असते, त्यामुळे त्या ठिकाणी नागरिकांना त्यांची वाहने पार्किंग करण्यासाठी सुविधा उपलब्ध करून द्यावी. सध्या दररोज मनपाच्या गेटवर वाद सुरू झाले आहेत. याबाबत प्रशासनाने ठोस निर्णय घेण्याची गरज आहे.